ಬಿಎಂಟಿಸಿ ನಿರ್ಮಿಸಿತು ಮತ್ತೊಂದು ದಾಖಲೆ: ಯುಪಿಐ ಮೂಲಕ ಟಿಕೆಟ್ ಖರೀದಿಯಿಂದ ಒಂದು ಕೋಟಿ ರು, ಸಂಗ್ರಹ

ಬೆಂಗಳೂರು: ಅನೇಕ ದಾಖಲೆಗಳೊಂದಿಗೆ ದೇಶದ ಅತುನ್ನತ ಸಾರಿಗೆ ಸಂಸ್ಥೆ ಬೆಂಗಳೂರು ಮಹಾನಗರ ಪಾಲಿಕೆ ಇದೀಗ ಮತ್ತೊಂದು ದಾಖಲೆ ಬರೆದಿದೆ. ಯುಪಿಐ ಮೂಲಕ ಟಿಕೆಟ್ ಖರೀದಿಯಲ್ಲಿ ಒಂದೇ ದಿನ 1 ಕೋಟಿ ರು. ಸಂಗ್ರಹವಾಗಿದೆ.

ಪ್ರಯಾಣಿಕರ ಅನುಕೂಲಕ್ಕಾಗಿ ಬಿಎಂಟಿಸಿ ಬಸ್‌ಗಳಲ್ಲಿ ಡಿಜಿಟಲ್ ಮೂಲಕ ಟಿಕೆಟ್ ಖರೀದಿಸುವ ಸೌಲಭ್ಯ ನೀಡಲಾಗಿದೆ. ಪ್ರಯಾಣಿಕರು ಯುಪಿಐ ಮೂಲಕ ಹಣವನ್ನು ಪಾವತಿಸಿ ಟಿಕೆಟ್ ಪಡೆಯುತ್ತಿದ್ದಾರೆ. ಫೆಬ್ರವರಿ ೩ರಂದು ಒಂದೇ ದಿನ ಯುಪಿಐ ಮೂಲಕ ಒಂದು ಕೋಟಿ ಆದಾಯ ಬಿಎಂಟಿಸಿ ಸಂಸ್ಥೆಗೆ ಬಂದಿದೆ.

“ದಿನದಿAದ ದಿನಕ್ಕೆ ಹೆಚ್ಚು ಪ್ರಯಾಣಿಕರು ಯುಪಿಐ ಮೂಲಕ ಹಣವನ್ನು ಪಾವತಿಸಿ ಟಿಕೆಟ್ ಪಡೆಯುತ್ತಿದ್ದಾರೆ. ಜನವರಿ 5ರಂದು ಸರ್ಕಾರಿ ಸಾರಿಗೆ ಬಸ್‌ಗಳ ಪ್ರಯಾಣ ದರವನ್ನು ಶೇಕಡಾ 15 ರಷ್ಟು ಹೆಚ್ಚಳ ಮಾಡಿತು. ಅನಂತರ ಯುಪಿಐ ಮೂಲಕ ಟಿಕೆಟ್ ಪಡೆಯುವ ಗ್ರಾಹಕರ ಸಂಖ್ಯೆ ಹೆಚ್ಚಾಗಿದೆ” ಎಂದು ಬಿಎಂಟಿಸಿ ಹೇಳಿದೆ.

“ಜನವರಿ 6 ರಂದು 56.6 ಲಕ್ಷ, ಜನವರಿ 13ರಂದು 60.05 ಲಕ್ಷ, ಜನವರಿ 20ರಂದು 80.01 ಲಕ್ಷ, ಜನವರಿ 27 ರಂದು 90.9, ಫೆಬ್ರವರಿ 3 ರಂದು 1.03 ಕೋಟಿ ಆದಾಯ ಯುಪಿಐ ಮೂಲಕ ಬಿಎಂಟಿಸಿ ಸಂಸ್ಥೆಗೆ ಆದಾಯ ಬಂದಿದೆ. ಬಿಎಂಟಿಸಿ ಬಸ್‌ಗಳಲ್ಲಿ ಕ್ಯೂಆರ್ ಕೋಡ್‌ನ್ನು 2023 ರಿಂದ ಪರಿಚಯಿಸಲಾಗಿತ್ತು.

ಮೊದಲು ಯುಪಿಐ ಮೂಲಕ ಶೇಕಡಾ 10 ರಷ್ಟು ಆದಾಯ ಯುಪಿಐ ಮೂಲಕ ಬರುತ್ತಿತ್ತು. ಈಗ ಶೇಕಡಾ 30 ರಷ್ಟು ಆದಾಯ ಯುಪಿಐ ಮೂಲಕ ಬರುತ್ತಿದೆ. ಪ್ರತಿಯೊಂದು ಬಿಎಂಟಿಸಿ ಬಸ್‌ಗಳಲ್ಲಿ ಯುಪಿಐ ಮೂಲಕ ಹಣ ಪಾವತಿಸುವ ಸೌಲಭ್ಯ ಕಲ್ಪಿಸಲಾಗಿದೆ. ಡಿಜಿಟಲ್ ಪಾವತಿಯಿಂದ ಪ್ರಯಾಣಿಕರ ಮತ್ತು ನಿರ್ವಾಹಕರ ನಡುವಿನ ಚಿಲ್ಲರೆ ಸಮಸ್ಯೆ ಇಲ್ಲದಂತ್ತಾಗಿದೆ” ಎಂದು ಸಂಸ್ಥೆ ಮಾಹಿತಿ ನೀಡಿದೆ.