ಬೆಳಗ್ಗಿನ ಜಾವದಲ್ಲಿ ಬಳ್ಳಾರಿ ಜೈಲಿಗೆ ನಟ ದರ್ಶನ್ ಸ್ಥಳಾಂತರ

ಬೆಂಗಳೂರು: ನ್ಯಾಯಾಲಯದ ಆದೇಶದಂತೆ ಬಳ್ಳಾರಿ ಸೆಂಟ್ರಲ್ ಜೈಲಿಗೆ ನಟ ದರ್ಶನ್ ಸ್ಥಳಾಂರಿಸುವ ಕಾರ್ಯವನ್ನು ಪೊಲೀಸರು ಬೆಳಗಿನ ಜಾವ ಕೈಗೊಂಡಿದ್ದಾರೆ.

ಬೆಳಗಿನ ಜಾವ 3 ಗಂಟೆಗೆ ಪರಪ್ಪನ ಅಗ್ರಹಾರ ಜೈಲಿನಿಂದ ಹೊರಟು, ರಾಷ್ಟ್ರೀಯ ಹೆದ್ದಾರಿಯಲ್ಲಿ ತುಮಕೂರು, ಚಿತ್ರದುರ್ಗ ಮಾರ್ಗವಾಗಿ, ಚಿತ್ರದುರ್ಗದಿಂದ ಬಳ್ಳಾರಿಗೆ ರಸ್ತೆ ಬದಲಾಯಿಸಲಿದ್ದಾರೆ

ಈ ನಡುವೆ ಅಭಿಮಾನಿಗಳ ಕಿರಿಕಿರಿ ತಪ್ಪಿಸುವ ಉದ್ದೇಶದಿಂದ ಪೊಲೀಸರು ಅಲ್ಲಲ್ಲಿ ಬ್ಯಾರಿಕೇಡ್ ನಿರ್ಮಿಸಿಕೊಂಡಿದ್ದು, ಆಯಾ ಪೊಲೀಸ್ ಠಾಣೆ ಸರಹದ್ದಿನಲ್ಲಿ ಬೆಂಗಾವಲು ವಾಹನ ಒದಗಿಸಲು ಪೊಲೀಸರಿಗೆ ಸೂಚನೆ ನೀಡಲಾಗಿದೆ.

ಪರಪ್ಪನ ಅಗ್ರಹಾರ ಜೈಲಿನಿಂದ ಬಳ್ಳಾರಿವರೆಗೆ ಪೊಲೀಸ್ ಜೀಪಿನಲ್ಲಿಯೇ ಕರೆದೊಯ್ಯಲಾಗುತ್ತಿದ್ದು, ಎರಡು ಬೆಂಗಾವಲು ವಾಹನಗಳು ದರ್ಶನ್ ತೆರಳುತ್ತಿರುವ ಜೀಪನ್ನು ಹಿಂಬಾಲಿಸುತ್ತಿವೆ.

ಬಳ್ಳಾರಿ ಜೈಲಿನ ಬಳಿ ಬಿಗಿಭದ್ರತೆ: ಬಳ್ಳಾರಿ ಜೈಲಿನ ಬಳಿ ಈಗಾಗಲೇ ಕೆಲವು ಅಭಿಮಾನಿಗಳು ಜಮಾಯಿಸುತ್ತಿದ್ದು, ಅವರ ನಿಯಂತ್ರಣಕ್ಕೆ ಬ್ಯಾರಿಕೇಡ್ ಅಳವಡಿಕೆ ಮಾಡಲಾಗಿದೆ. ಜನ ಗುಂಪುಗೂಡದಂತೆ ಪೊಲೀಸರು ಈಗಾಗಲೇ ಕ್ರಮ ಕೈಗೊಂಡಿದ್ದರೂ ಕೂಡ, ದರ್ಶನ್ ಆಗಮನದ ವೇಳೆ ಹೆಚ್ಚು ಜನ ಜಮಾಯಿಸಬಹುದು ಎಂಬ ಕಾರಣಕ್ಕೆ ಪೊಲೀಸರು ಬಿಗಿ ಬಂದೋಬಸ್ತ್ ಮಾಡಿದ್ದಾರೆ.