ಮೈಸೂರು: 2024ರಲ್ಲಿ ಸೇವೆಗೆ ಸೇರಿದ್ದ ಸುಮಾರು 700 ಸಿಬ್ಬಂದಿಯನ್ನು ಇನ್ಫೋಸೀಸ್ ವಜಾಗೊಳಿಸಿದ್ದು, ಅವರನ್ನು ಹೊರಹಾಕಲು ಬೌನ್ಸರ್‌ಗಳು, ಸೆಕ್ಯುರಿಟಿ ಗಾರ್ಡ್ಗಳನ್ನು ಬಳಸಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ.
ಈ ಕುರಿತು ಕಾರ್ಮಿಕ ಸಚಿವಾಲಯಕ್ಕೆ ದೂರು ನೀಡಲು ಐಟಿ ಕಾರ್ಮಿಕರ ಒಕ್ಕೂಟ ತೀರ್ಮಾನಿಸಿದೆ ಎಂದು ಹೇಳಲಾಗಿದೆ. ಆದರೆ, ಇಫೋಸಿಸ್ 350 ಜನರನ್ನು ವಜಾಗೊಳಿಸಿದ್ದು, ಅವರು ಸಂಸ್ಥೆಯ ಮಾನದಂಡಗಳನ್ನು ಪೂರೈಸಲು ಸಾಧ್ಯವಾಗದ ಕಾರಣಕ್ಕೆ ವಜಾಮಾಡಲಾಗಿದೆ ಎಂದು ಒಪ್ಪಿದೆ.
ಈ ಎಲ್ಲ ಉದ್ಯೋಗಿಗಳನ್ನು ಕ್ಯಾಂಪಸ್ ಇಂಟರ್ ವ್ಯೂಗಳಲ್ಲಿ ಸೆಲೆಕ್ಟ್ ಮಾಡಲಾಗಿತ್ತು. ಅದರಲ್ಲಿ 400 ಅಭ್ಯರ್ಥಿಗಳನ್ನು ಬ್ಯಾಚ್ ಮೂಲಕ ಕರೆಸಿ, ಕೆಲಸ ಮಾಡಿಸಲಾಗುತ್ತಿತ್ತು. ಆದರೆ, ಈ ಪ್ರಕ್ರಿಯೆಯ ಸಮಯದಲ್ಲಿ ಮೌಲ್ಯಮಾಪನ ಮಾನದಂಡಗಳು ಮತ್ತು ಪಠ್ಯಕ್ರಮವನ್ನು ಬದಲಾಯಿಸಲಾಗಿದೆ ಎಂದು ಉದ್ಯೋಗಿಗಳು ಆರೋಪಿಸಿದ್ದಾರೆ.
ಉದ್ಯೋಗಿಗಳನ್ನು ಹೊರಹಾಕಲು ಬೆದರಿಕೆ ತಂತ್ರವನ್ನು ಅನುಸರಿಸಲಾಗಿದೆ ಎಂಬುದು ಆರೋಪವಾಗಿದೆ. ಬೌನ್ಸರ್‌ಗಳು ಮತ್ತು ಭದ್ರತಾ ಸಿಬ್ಬಂದಿಯನ್ನು ಬಳಸಿ ಹರಗೆ ಕಳುಹಿಸಲಾಗಿದೆ. ಮೊಬೈಲ್ ಪೋನ್ ಬಳಕೆಗೆ ಅವಕಾಶವಿಲ್ಲವಾದ ಕಾರಣ ಯಾವುದೇ ವಿಡಿಯೋ ಅಥವಾ ಫೋಟೋ ದಾಖಲೆಗಳಿಲ್ಲ. ಈ ಕ್ರಮಗಳು ೧೯೪೭ರ ಕೈಗಾರಿಕಾ ಕಾಯ್ದೆಯನ್ನು ಉಲ್ಲಂಘಿಸುತ್ತವೆ ಎಂದು ವಾದಿಸಿದ್ದು, ಸರಕಾರದ ನೆರವಿಗೆ ಕೋರಿದ್ದಾರೆ,
ಇನ್ಫೋಸಿಸ್ ಪ್ರಕಾರ, ಹೊಸಬರು ತಮ್ಮ ಪರೀಕ್ಷಾ ಅವಧಿಯನ್ನು ಪೂರೈಸಲು ಮೂರು ಹಂತವನ್ನು ಪಡೆಯುತ್ತಾರೆ. ಅದರಲ್ಲಿ ವಿಫಲವಾದರೆ ಸಂಸ್ಥೆಯಲ್ಲಿ ಮುಂದುವರಿಯಲು ಸಾಧ್ಯವಿಲ್ಲ. ಇದನ್ನು ಒಪ್ಪಂದದಲ್ಲಿಯೂ ಉಲ್ಲೇಖ ಮಾಡಲಾಗಿದೆ. ಈ ಪ್ರಕ್ರಿಯೆ ಎರಡು ದಶಕಗಳಿಂದಲೂ ಅಸ್ತಿತ್ವದಲ್ಲಿದೆ ಎಂದು ಹೇಳಿದೆ.
ವಜಾಗೊಂಡ ಉದ್ಯೋಗಿಗಳಲ್ಲಿ ಬಹುತೇಕರು 2022 ರ ಎಂಜಿನಿಯರಿAಗ್ ಬ್ಯಾಚ್‌ನವರಾಗಿದ್ದು, ಮೈಸೂರು ಕ್ಯಾಂಪಸ್‌ನಲ್ಲಿ ತರಬೇತಿ ಪಡೆದಿದ್ದರು. 2024 ರಲ್ಲಿ ನೇಮಕವಾಗುವ ಮೊದಲು ಈ ಉದ್ಯೋಗಿಗಳು ಈಗಾಗಲೇ ಎರಡು ವರ್ಷ ಕಾಯ್ದಿದ್ದರು. ಅನಂತರ ಆಫರ್ ಲೆಟರ್‌ಗಳಲ್ಲಿ ವಾರ್ಷಿಕ 3.2 ರಿಂದ 3.7 ಲಕ್ಷ ರು. ಪ್ಯಾಕೇಜ್‌ನ ಭರವಸೆ ಪಡೆದಿದ್ದರು ಎಂದು ಎಟಿ ವರದಿ ಮಾಡಿದೆ.