ಕೊಚ್ಚಿನ್: 2024 ರಲ್ಲಿ ಭೀಕರ ಭೂಕುಸಿತದಿಂದ ನಲುಗಿದ ವಯನಾಡ್ ದುರಂತದ ಪುನಶ್ಚೇತನಕ್ಕೆ ಕೇರಳ ಬಜೆಟ್‌ನಲ್ಲಿ 750 ಕೋಟಿ ರು.ಗಳನ್ನು ನಿಗದಿ ಮಾಡಿದೆ.
ಶುಕ್ರವಾರ ಮಂಡನೆಯಾದ ಕೇರಳ ರಾಜ್ಯದ ಬಜೆಟ್‌ನಲ್ಲಿ ಈ ವಿಷಯ ಪ್ರಸ್ತಾಪಿಸಿದ್ದು, ಹಣಕಾಸು ಸಚಿವ ಕೆ.ಎನ್. ಬಾಲಗೋಪಾಲ್ ಈ ಘೋಷಣೆ ಮಾಡಿದ್ದಾರೆ. ಇದು ಮೊದಲ ಹಂತದ ಘೋಷಣೆಯಾಗಿದ್ದು, ಮುಂದೆ ಮತ್ತಷ್ಟು ಅನುದಾನ ಬಿಡುಗಡೆ ಮಾಡುವ ಭರವಸೆಯನ್ನು ಅವರು ನೀಡಿದರು.
2024ರ ವಯನಾಡು ದುರಂತದಲ್ಲಿ 254 ಜನರು ಪ್ರಾಣ ಕಳೆದುಕೊಂಡಿದ್ದರು. 44 ಜನರು ಕಣೆಯಾಗಿದ್ದು, ಒಟ್ಟು 1202 ಕೋಟಿ ರು. ನಷ್ಟವಾಗಿದೆ ಎಂದು ಅಂದಾಜಿಸಲಾಗಿದೆ. ಪುರ್ನವಸತಿ ಕಲ್ಪಿಸಲು 2201 ಕೋಟಿ ಅಗತ್ಯವಿದ್ದು, ಮೊದಲ ಹಂತದ ಅನುದಾನವನ್ನಷ್ಟೇ ಬಿಡುಗಡೆ ಮಾಡಲಾಗಿದೆ ಎಂದರು.
ಈ ನಡುವೆ ಕೇಂದ್ರ ಸರಕಾರವನ್ನು ಟೀಕಿಸಿದ ಬಾಲಗೋಪಾಲ್, ಕೇಂದ್ರ ತನ್ನ 2025-25ನೇ ಬಜೆಟ್‌ನಲ್ಲಿ ವಯನಾಡು ದುರಂತಕ್ಕೆ ಸಹಾಯಹಸ್ತ ಚಾಚಲಿದೆ ಎಂಬ ನಮ್ ನಂಬಿಕೆ ಹುಸಿಯಾಗಿದೆ. ಕೇಂದ್ರ ಸರಕಾರ ಕೇರಳವನ್ನು ಇತರೆ ರಾಜ್ಯಗಳಂತೆಯೇ ಪರಿಗಣಿಸಬೇಕು ಎಂದು ಒತ್ತಾಯಿಸಿದರು.