ಹೊಸದಿಲ್ಲಿ: ದಿನನಿತ್ಯ ಟೋಲ್ ಕಟ್ಟಿ ಹೈರಾಣಗುತ್ತಿರುವ ವಾಹನ ಸವಾರರಿಗೆ ವಾರ್ಷಿಕ ಅಥವಾ ಲೈಫ್ ಟೈಂ ಪಾಸ್ ನೀಡಲು ಸರಕಾರ ತೀರ್ಮಾನಿಸಿದ್ದು, ಇದೊಂದು ಹೊಸ ವಸೂಲಿ ತಂತ್ರಗಾರಿಕೆ ಎಂಬ ಆರೋಪವೂ ಕೇಳಿಬಂದಿದೆ.
ವಾರ್ಷಿಕ ಪಾಸ್ ಮೂಲಕ ಹೈವೆ ಟೋಲ್ ಪ್ಲಾಜಗಳಲ್ಲಿನ ದಟ್ಟಣೆ ಕಡಿಮೆ ಮಾಡಲು ಸರಕಾರ ಮುಂದಾಗಿದೆ ಎಂದು ಹೇಳಲಾಗುತ್ತಿದೆ. ಇದಕ್ಕಾಗಿ 3 ಸಾವಿರ ರು.ಗಳ ವಾರ್ಷಿಕ ಪಾಸ್ ಮತ್ತು 30 ಸಾವಿರ ರು.ಗಳ ಲೈಪ್‌ಟೈಂ ಪಾಸ್ ನೀಡಲಾಗುತ್ತಿದೆ.
3 ಸಾವಿರ ರು.ಗಳ ವಾರ್ಷಿಕ ಪಾಸ್ ಪಡೆದರೆ, ಯಾವುದೇ ವಾಹನ ಸವಾರರು ಒಂದು ವರ್ಷಗಳ ಕಾಲ ಟೋಲ್ ಫ್ರೀ ಪ್ರಯಾಣ ನಡೆಸಬಹುದು. ಇದು ರಾಷ್ಟ್ರೀಯ ಹೆದ್ದಾರಿಗಳು ಮತ್ತು ಎಕ್ಸ್ಪ್ರೆಸ್ ಹೈವೆಗಳಲ್ಲಿ ಅನುಕೂಲಕ್ಕೆ ಬರುತ್ತದೆ. ಜತೆಗೆ, 30 ಸಾವಿರ ರು.ಗಳ ಲೈಪ್ ಟೈಂ ಪಾಸ್ ಖರೀದಿದರೆ 15 ವರ್ಷಗಳ ಕಾಲ ಟೋಲ್ ರಹಿತ ಪ್ರಯಾಣ ಮಾಡಬಹುದು.
ವಾರ್ಷಿಕ ಮತ್ತು ಲೈಫ್ ಟೈಂ ಪಾಸ್ ಪಡೆಯಲು ಈಗಿರುವ ಪಾಸ್ಟ್ ಟ್ಯಾಗ್ ನಲ್ಲಿಯೇ ಅಪ್‌ಡೇಟ್ ಮಾಡಿಕೊಳ್ಳಲು ಅವಕಾಶ ಮಾಡಿಕೊಡಲಾಗಿದೆ. ಇದರಿಂದ ವಾಹನ ಸವಾರರಿಗೆ ಅನುಕೂಲಕರ ಮತ್ತು ಸಮಯ ಹಾಗೂ ಉಳಿಯುತ್ತದೆ ಎಂಬುದು ಸಾರಿಗೆ ಇಲಾಖೆಯ ವಾದವಾಗಿದೆ.
ಪ್ರಸ್ತುತ ಮಾಸಿಕ ಪಾಸ್ ಮಾತ್ರ ನೀಡಲಾಗುತ್ತಿದ್ದು, ತಿಂಗಳಿಗೆ 340 ರು. ಪಾವತಿ ಮಾಡಬೇಕಿದೆ. ಇದು ಕೇವಲ ಒಂದು ಟೋಲ್‌ಗೆ ಮಾತ್ರ ಸೀಮಿತವಾಗಿದೆ. ವಾರ್ಷಿಕವಾಗಿ ಇದು 4,080 ರು. ಆಗಲಿದೆ. ಹೀಗಾಗಿ, 3, 000 ರು.ಗಳಲ್ಲಿ ಅನಿಯಮಿತ ಟೋಲ್‌ಗಳಲ್ಲಿ ಸಂಚಾರಕ್ಕೆ ಅವಕಾಶವಿದ್ದು, ಹೆಚ್ಚು ಅನುಕೂಲವಾಗಲಿದೆ.