ಬೆಂಗಳೂರು: ಮನೆ ಊಟಕ್ಕಾಗಿ ಬೇಡಿ ಬೇಡಿ ಸಾಕುತ್ತಿದ್ದಾರೆ ಕೊಲೆ ಆರೋಪಿ ದರ್ಶನ್ ಎಂಬ ನಾಟಕಕ್ಕೆ ತೆರೆಬಿದ್ದಿದೆ. ದರ್ಶನ್ ಗೆ ರೆಸಾರ್ಟ್ ನಲ್ಲಿ ಸಿಗುವಷ್ಟು ಸೌಲಭ್ಯ ಸಿಗುತ್ತಿತ್ತು ಎಂಬುದು ಇದೀಗ ರಟ್ಟಾಗಿದೆ.
ಇಷ್ಟೆಲ್ಲ ಮರ್ಯಾದೆ ಕಳೆದುಕೊಂಡು ಜೈಲು ವಾಸ ಅನುಭವಿಸಿದರೂ, ಬುದ್ದಿ ಕಲಿಯದ ದರ್ಶನ್, ಜೈಲಿನಲ್ಲಿ ರೌಡಿಶೀಟರ್ ಗಳ ಜತೆ ಕುಳಿತು ಮಜಾ ಮಾಡುತ್ತಿರುವ ಫೋಟೋ ಇದೀಗ ವೈರಲ್ ಆಗಿದೆ. ಆಅ ವಿವಾದ ರಾಜ್ಯಾದ್ಯಂತ ಕೊಲೆ ಪ್ರಕರಣದ ಕುರಿತು ಅನುಮಾನ ಹುಟ್ಟಿಸಿರುವ ಬೆನ್ನಲ್ಲೇ ಮತ್ತೊಂದು ವಿಡಿಯೋ ಸಂಚಲನ ಮೂಡಿಸಿದೆ.
ದರ್ಶನ್ ಗೆ ಜೈಲಿನಲ್ಲಿ ಐಷಾರಾಮಿ ವ್ಯವಸ್ಥೆ ಗಳ ಜತೆಗೆ ಮೊಬೈಲ್ ಕೂಡ ಸಿಗುತ್ತಿದೆ ಎಂಬುದು ಇದೀಗ ಬಯಲಾಗಿದೆ. ದರ್ಶನ್ ತಮಗಿಷ್ಟ ಬಂದವರ ಜತೆಗೆ ವಿಡಿಯೋ ಕಾಲ್ ಮಾಡಿ ಮಾತಾಡುತ್ತಾರೆ ಎಂಬುದಕ್ಕೆ ಪುರಾವೆಯೊಂದು ಸಿಕ್ಕಿದೆ. ದರ್ಶನ್ ಜೈಲಿನಲ್ಲಿ ಇದ್ದುಕೊಂಡು ವಿಡಿಯೋ ಮಾಡಿ ಆಪ್ತರ ಜತೆ ಮಾತನಾಡಿರುವ ವಿಡಿಯೋ ವೈರಲ್ ಆಗಿದೆ.
ಹಲೋ, ಚೆನ್ನಾಗಿದ್ದೀರಾ, ನಾನ್ ಆರಾಮಿದ್ದೇನೆ ಎಂದು ಮಾತನಾಡಿರುವ ವಾಟ್ಸಾಪ್ ಕಾಲ್ ವಿಡಿಯೋವನ್ನು ರೆಡ್ಡಿ ಎಂಬಾತನೊಬ್ಬ ಸ್ಟೇಟಸ್ ಹಾಕಿಕೊಂಡಿದ್ದ. ಈ ವಿಡಿಯೋ ಎಲ್ಲೆಡೆ ಹರಿದಾಡಿ ಸುದ್ದಿಯಾಗಿತ್ತು. ಆ ಮೂಲಕ ದರ್ಶನ್ ಗೆ ಜೈಲಿನಲ್ಲಿ ಯಾವುದೇ ಕೊರತೆಯಾಗುತ್ತಿಲ್ಲ ಎಂಬುದಂತು ಸಾಭೀತಾಗಿದೆ.
ಈ ನಡುವೆ ಜೈಲಿನಲ್ಲಿ ದರ್ಶನ್ ಗೆ ಸಿಗುತ್ತಿರುವ ಸೌಲಭ್ಯ ಮತ್ತು ಈ ಬೆಳವಣಿಗೆ ಮುಂದೆ ಅವರಿಗೆ ಜಾಮೀನು ಸಿಗುವ ವಿಚಾರದಲ್ಲಿ ತೊಡಕಾಗುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ. ದರ್ಶನ್ ಪಾಪಪ್ರಜ್ಞೆಯಿಂದ ನರಳುತ್ತಿದ್ದಾರೆ ಎಂದು ಹೇಳುವ ಮೂಲಕ ಸಾರ್ವಜನಿಕ ವಲಯದಲ್ಲಿ ಸಣ್ಣದೊಂದು ಸಹಾನುಭೂತಿ ಶುರುವಾಗಿತ್ತು. ಇದೀಗ ದರ್ಶನ್ ನಡತೆ ಮತ್ತಷ್ಟು ವಿವಾದಕ್ಕೆ ಸಿಲುಕಿದೆ.