ಮಾಜಿ ಶಾಸಕ ಮೋಹಿನುದ್ದೀನ್ ಬಾವಾ ಸಹೋದರ ನಾಪತ್ತೆ: ನದಿಯಲ್ಲಿ ಶೋಧ ಕಾರ್ಯ

ಬೆಂಗಳೂರು: ಮಂಗಳೂರಿನ ಮಾಜಿ ಶಾಸಕ ಮೋಹಿನುದ್ದೀನ್ ಬಾವಾ ಸಹೋದರ ಮಮ್ತಾಜ್ ಆಲಿ(52) ಇದ್ದಕ್ಕಿದ್ದಂತೆ ನಾಪತ್ತೆಯಾಗಿದ್ದಾರೆ ಎನ್ನಲಾಗಿದೆ.

ಮಂಗಳೂರಿನ ಕೂಳೂರು ಸೇತುವೆ ಮೇಲೆ ಅವರು ಬಳಸುತ್ತಿದ್ದ KA 19- 0004 ಸಂಖ್ಯೆಯBMW X5 ಕಾರು ಡ್ಯಾಮೇಜ್ ಆದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದು, ಕುಟುಂಬಸ್ಥರ ಆತಂಕವನ್ನು ಹೆಚ್ಚಿಸಿದೆ.

ಮುಂಜಾವಿನ 3 ಗಂಟೆ ಸುಮಾರಿನಲ್ಲಿ ಮಮ್ತಾಜ್ ಮನೆಯಿಂದ ಸಾಯುತ್ತೇನೆ ಎಂದುಕೊಂಡು ಹೊರಟರು ಎನ್ನಲಾಗಿದೆ. ಬೆಳಗ್ಗೆ 5 ಗಂಟೆ ಸುಮಾರಿಗೆ ಅವರ ಕಾರು ಕೂಳೂರು ಸೇತುವೆ ಮೇಲೆ ಪತ್ತೆಯಾಗಿದೆ.

ಕಾರಿನ ಮುಂಭಾಗ ಅಪಘಾತವಾದ ರೀತಿಯಲ್ಲಿ ಡ್ಯಾಮೇಜ್ ಆಗಿದ್ದು, ಅನುಮಾನ ಮೂಡಿಸಿದೆ. ನದಿಯಲ್ಲಿNDRF ಮತ್ತು SDRF ಪಡೆಗಳು ಶೋಧ ಕಾರ್ಯ ನಡೆಸುತ್ತಿವೆ.

ಸ್ಥಳಕ್ಕೆ ಮಂಗಳೂರು ಪೊಲೀಸ್ ಆಯುಕ್ತ ಅಗರ್ವಾಲ್ ಭೇಟಿ ನೀಡಿದ್ದು, ಅವರ ಮುಂದೆ ಬಾವಾ ಭಾವುಕರಾಗಿ ತಮ್ಮನ ಹುಡುಕಿಕೊಡುವಂತೆ ಅವಲತ್ತುಕೊಂಡಿದ್ದಾರೆ. ವಿವಿಧ ಆಯಾಮಗಳಲ್ಲಿ ಪೊಲೀಸರು ಕಾರ್ಯಾಚರಣೆ ನಡೆಸುತ್ತಿದ್ದಾರೆ.