ಮುಂಬಯಿ: ನಟ ಸಲ್ಮಾನ್ ಖಾನ್ ಗೆ ಮತ್ತೊಂದು ಕೊಲೆ ಬೆದರಿಕೆ ಬಂದಿದ್ದು, ಐದು ಕೋಟಿ ರು. ನೀಡುವಂತೆ ಡಿಮ್ಯಾಂಡ್ ಮಾಡಲಾಗಿದೆ.
ಮುಂಬಯಿ ಟ್ರಾಫಿಕ್ ಪೊಲೀಸರಿಗೆ ಕಳಿಸಿರುವ ಸಂದೇಶದಲ್ಲಿ ಆಗಂತುಕರು ಸಲ್ಮಾನ್ ಖಾನ್ ಕೊಲೆ ಮಾಡುವುದಾಗಿ ಎಚ್ಚರಿಕೆ ನೀಡಿದ್ದಾರೆ. ಈ ಸಂದೇಶವನ್ನು ಹಗುರವಾಗೊ ಪರಿಗಣಿಸಬೇಡಿ, ಬಾಬಾ ಸಿದ್ದಕಿಗಿಂತ ಕೆಟ್ಟದಾಗಿ ಕೊಲೆ ಮಾಡ್ತೇವೆ. ಇದರಿಂದ ತಪ್ಪಿಸಿಕೊಳ್ಳಬೇಕು ಎಂದರೆ 5 ಕೋಟಿ ರು. ಹಣ ಕೊಡಬೇಕು ಎಂದು ಡಿಮ್ಯಾಂಡ್ ಮಾಡಲಾಗಿದೆ.
ಸಲ್ಮಾನ್ ಖಾನ್ ಕೊಲೆ ಮಾಡಲು ಒಬ್ಬ ಶಾರ್ಪ್ ಶೂಟರ್ ನೇಮಿಸಲಾಗುತ್ತು. ಈ ಮಾಹಿತಿ ಆಧರಿಸಿ ಮುಂಬಯಿ ಪೊಲೀಸರು, ಒಬ್ಬಾತನನ್ನು ಗುರುವಾರವಷ್ಟೇ ಬಂಧಿಸಲಾಗಿತ್ತು. ಇದೀಗ ಮತ್ತೊಂದು ಬೆದರಿಕೆ ಕರೆ ಬಂದಿದೆ.
ಬಿಷ್ಣೋಯಿ ಗ್ಯಾಂಗ್ ನಿಂದ ಸಲ್ಮಾನ್ ಖಾನ್ ಅವರಿಗೆ ಕೊಲೆ ಬೆದರಿಕೆಯಿದೆ ಎಂಬುದು ಬಹಳ ದಿನಗಳಿಂದ ಪ್ರಚಲಿತದಲ್ಲಿರುವ ವಿಚಾರ. ಈ ನಡುವೆ ಸಲ್ಮಾನ್ ಖಾನ್ ಅಪ್ತ, ಎನ್ ಸಿಪಿ ಬಾಬಾ ಸಿದ್ಧಕಿಯನ್ನು ಇತ್ತೀಚೆಗಷ್ಟೇ ಕೊಲೆ ಮಾಡಲಾಗಿದೆ.