ಚನ್ನರಾಯಪಟ್ಟಣದಿಂದ ಶಬರಿಮಲೆಗೆ ತೆರಳಿದ್ದ ಬಸ್ ಪಲ್ಟಿ
ಶ್ರವಣಬೆಳಗೊಳ : ಚನ್ನರಾಯಪಟ್ಟಣ ತಾಲೂಕಿನಿಂದ ಶಬರಿಮಲೆಗೆ ತೆರಳಿದ್ದ ಯಾತ್ರಾರ್ಥಿಗಳಿದ್ದ ಬಸ್ ಉರುಳಿಬಿದ್ದಿದ್ದು, ಬಸ್ ನಲ್ಲಿದ್ದ ಯಾತ್ರಾರ್ಥಿಗಳು ಸಣ್ಣಪುಟ್ಟ ಗಾಯಗಳೊಂದಿಗೆ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎನ್ನಲಾಗಿದೆ.
ಕೇರಳದ ಶಬರಿಮಲೆಯ ಏರುಮಲೆಯಲ್ಲಿ ಘಟನೆ ನಡೆದಿದ್ದಿ, ಬಸ್ ಉರುಳಿಬಿದ್ದು, ಸಂಪೂರ್ಣ ಜಖಂಗೊಂಡಿದೆ. ಅದೃಷ್ಟವಶಾತ್ ಯಾತ್ರಾರ್ಥಿಗಳಿಗೆ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ. ಸಣ್ಣಪುಟ್ಟ ಗಾಯಗಳೊಂದಿಗೆ ಪಾರಾಗಿದ್ದಾರೆ.
ಯಾತ್ರಾರ್ಥಿಗಳಳೆಲ್ಲರೂ ಶ್ರವಣಬೆಳಗೊಳ ಸಮೀಪದ ಯಲಾದಹಳ್ಳಿ ಕೊಪ್ಪಲು ಗ್ರಾಮದವರಾಗಿದ್ದು, ಮೊನ್ನೆಯಷ್ಟೇ ಶಬರಿಮಲೆಗೆ ತೆರಳಿದ್ದರು. ಏರುಮಲೆಯಲ್ಲಿ ಬಸ್ ಮಗುಚಿಬಿದ್ದಿದ್ದು, ಸಣ್ಣ ಪುಟ್ಟ ಗಾಯಗಳೊಂದಿಗೆ ಅಪಾಯದಿಂದ ಪಾರಾಗಿದ್ದಾರೆ ಎನ್ನಲಾಗಿದೆ. ಈ ಕುರಿತು ಕೆ.ಆರ್. ಪೇಟೆ ಶಾಸಕ ಎಚ್.ಟಿ. ಮಂಜು ಅವರು ಕುಟುಂಬಸ್ಥರೊಂದಿಗೆ ಮಾತನಾಡಿ, ಸಮಾಧನ ಹೇಳಿದ್ದಾರೆ.
