ಬೆಂಗಳೂರು: ಪೊಲೀಸರ ಸೋಗಿನಲ್ಲಿ ಯುವತಿಯ ರೂಮಿಗೆ ನುಗ್ಗಿದ ದುಷ್ಕರ್ಮಿಗಳು ಯುವತಿಯ ಮೊಬೈಲ್ ಕಸಿದುಕೊಂಡು ಆರು ಲಕ್ಷ ರು.ಗಳಿಗೆ ಬೇಡಿಕೆಯಿಟ್ಟ ಘಟನೆ ರಾಜಧಾನಿಯಲ್ಲಿ ನಡೆದಿದೆ.
ಎಚ್.ಎ.ಎಲ್. ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು, ಪೊಲೀಸರು ಆರು ಮಂದಿ ಆರೋಪಗಳನ್ನು ಬಂಧಿಸಿದ್ದಾರೆ. ಕೇರಳ ಮೂಲದ ಮಹಮದ್ ನಜಾ ಶಾ, ಸರುಣ್, ಬೆಂಗಳೂರಿನ ವಿಷ್ಣು, ದಿವಾಕರ್, ಮಧುಕುಮಾರ್ ಹಾಗೂ ಕಿರಣ್ ಬಂಧಿತ ಆರೋಪಗಳು.
ದೂರುದಾರ ಯುವತಿಗೆ ಟೀ ಅಂಗಡಿಯಲ್ಲಿ ಮಹಮದ್ ನಜಾಶ್ ಪರಿಚಯವಾಗಿತ್ತು. ನವೆಂವರ್ 7 ರಂದು ಆತನ ಹುಟ್ಟುಹಬ್ಬವಿದ್ದ ಕಾರಣಕ್ಕೆ ಯುವತಿ ಆತನನ್ನು ತನ್ನ ರೂಮಿಗೆ ಆಹ್ವಾನಿಸಿದ್ದಳು. ಅದರಂತೆ ನಜಾಶ್ ಆಕೆಯ ಮನೆಗೆ ತೆರಳಿದ್ದು, ರಾತ್ರಿ ಎರಡು ಗಂಟೆ ಸುಮಾರಿಗೆ ಬಾಗಿಲು ಬಡಿದ ಐವರು ಆರೋಪಗಳು ತಾವು ಪೊಲೀಸರು ಎಂದು ಹೇಳಿಕೊಂಡು ಯುವತಿಯರ ಬಳಿಯಿದ್ದ ಎರಡು ಮೊಬೈಲ್ ಕಸಿದುಕೊಂಡು ತೆರಳಿದ್ದರು.
ಅನಂತರ ಐದು ಲಕ್ಷ ರು. ಹಣ ನೀಡುವಂತೆ ಬೇಡಿಕೆಯಿಟ್ಟಿದ್ದು, ಈ ಸಂಬಂಧ ಯುವತಿ ನೀಡಿದ ದೂರಿನ ತನಿಖೆ ಆರಂಭಿಸಿದಾಗ ಯುವತಿಯ ಪರಿಚಿತ ನತಾಶ್ ಕೂಡ ಕೃತ್ಯದಲ್ಲಿ ಭಾಗಿಯಾಗಿರುವುದು ಪತ್ತೆಯಾಗಿದೆ. ಆತನ ಯೋಜನೆಯಂತೆಯೇ ಆರೋಪಗಳು ರೂಮಿಗೆ ನುಗ್ಗಿ ಮೊಬೈಲ್ ಕಸಿದುಕೊಂಡು ಹಣಕ್ಕೆ ಬೇಡಿಕೆಯಿಟ್ಟಿದ್ದರು ಎನ್ನಲಾಗಿದೆ.
ಈ ಸಂಬಂಧ ಪೊಲೀಸರು ಆರು ಜನ ಆರೋಪಗಳನ್ನು ಬಂಧಿಸಿ, ತನಿಖೆ ಕೈಗೊಂಡಿದ್ದಾರೆ. ಆರು ಆರೋಪಗಳನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.