ಬೆಂಗಳೂರು: ಸಿಎಂ ಬದಲಾವಣೆಯ ಊಹಾಪೋಹದ ನಡುವೆಯೂ ಹತ್ತು ಸಚಿವರ ತಲೆದಂಡ ನಡೆಸಿ, ಹೊಸಬರಿಗೆ ಅವಕಾಶ ಮಾಡಿಕೊಡಲು ಕಾಂಗ್ರೆಸ್ ಹೈಕಮಾಂಡ್ ತೀರ್ಮಾನಿಸಿದೆ ಎನ್ನಲಾಗಿದೆ.
ಸಿಎಂ ಬದಲಾವಣೆ ವಿಚಾರ ಪ್ರಸ್ತುತ ಹೈಕಮಾಂಡ್ ಮುಂದಿಲ್ಲ ಎಂಬುದನ್ನು ಕೂಡ ಸ್ಪಷ್ಟಪಡಿಸಲಾಗಿದ್ದು, ಹತ್ತು ಜನರಿಗೆ ಸಂಪುಟದಿಂದ ಕೋಕ್ ಕೊಡುವ ಕುರಿತು ಚಿಂತಿಸಲಾಗಿದೆ. ಹೀಗಾಗಿ, ಹತ್ತು ಹೊಸ ಸಚಿವರು ನವೆಂಬರ್ ಕ್ರಾಂತಿಯ ಮೂಲಕ ಸಚಿವರಾಗಬಹುದು.
ಜಮೀರ್ ಅಹಮದ್, ದಿನೇಶ್ ಗುಂಡೂರಾವ್, ಬೋಸರಾಜ್, ಕೃಷ್ಣ ಬೈರೇಗೌಡ, ವೆಂಕಟೇಶ್, ಚೆಲುವರಾಯಸ್ವಾಮಿ, ಎಚ್.ಕೆ.ಪಾಟೀಲ್, ಸೇರಿದಂತೆ ಪ್ರಮುಖ ಹಿರಿಯ ಸಚಿವರು ತಮ್ಮ ಸ್ಥಾನ ತ್ಯಾಗ ಮಾಡಲಿದ್ದಾರೆ ಎಂದು ಹೇಳಲಾಗಿದೆ. ಅವರ ಸ್ಥಾನಕ್ಕೆ ರಿಜ್ವಾನ್ ಅರ್ಷದ್, ತನ್ವೀರ್ ಸೇಠ್ ಸೇರಿದಂತೆ ಕೆಲ ನೂತನ ಸಚಿವರು ಅಧಿಕಾರ ಸ್ವೀಕಾರ ಮಾಡಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.