ಬೆಂಗಳೂರು: ನಟ ದರ್ಶನ್ ಜೈಲು ಸೇರಿ ಈಗಾಗಲೇ ಒಂದೂವರೆ ತಿಂಗಳಾಗಿದ್ದು, ಕಳೆದೊಂದು ತಿಂಗಳಲ್ಲಿ ಅವರನ್ನು 30 ಮಂದಿ ಭೇಟಿಯಾಗಿರುವುದು ತಿಳಿದುಬಂದಿದೆ.
ನಟ ದರ್ಶನ್ ಭೇಟಿಗೆ ಪತ್ನಿ ವಿಜಯಲಕ್ಷ್ಮಿ, ಸಹೋದರ ಸೇರಿದಂತೆ ಕೆಲ ಚಿತ್ರರಂಗದ ಗಣ್ಯರು ಆಗಮಿಸಿದ್ದರು. ಅದಲ್ಲದೆ, ಕೆಲವರು ಬೇರೆ ಬೇರೆ ಹೆಸರಿನಲ್ಲಿ, ಬೇರೆ ಬೇರೆ ಕಾರಣಗಳಲ್ಲಿ ಅವರನ್ನು ಭೇಟಿಯಾಗಿರುವುದು ಜೈಲಿನ ವಿಸಿಟಿಂಗ್ ರಿಜಿಸ್ಟಾರ್‌ನಲ್ಲಿ ಬೆಳಕಿಗೆ ಬಂದಿದೆ.
ತಿಂಗಳಲ್ಲಿ 30 ಮಂದಿ ಭೇಟಿ ನೀಡಿದ್ದು, ಪತ್ನಿ ವಿಜಯಲಕ್ಷ್ಮಿ 4 ಬಾರಿ ಭೇಟಿ, ಸಹೋದರ 3 ಸಲ ಭೇಟಿ ಮಾಡಿದ್ದಾರೆ. ಸ್ನೇಹಿತೆ ಎಂದು ಹೇಳಿಕೊಂಡು ನಟಿ ರಕ್ಷಿತಾ ಒಮ್ಮೆ ದರ್ಶನ್ ಅವರನ್ನು ಭೇಟಿಯಾಗಿದ್ದಾರೆ. ತಂಗಿ ಎಂದು ನಮೂದಿಸಿ, ಪವಿತ್ರಾ ಗೌಡ ಸ್ನೇಹಿತೆ ಸಮತಾ ಭೇಟಿಯಾಗಿದ್ದಾರೆ.
ಅದಲ್ಲದೆ, ದರ್ಶನ್ ಪುಟ್ಟಣ್ಣಯ್ಯ, ತರುಣ್ ಸುಧೀರ್, ಸಾಧುಕೋಕಿಲ, ವಿನೋದ್ ರಾಜ್, ಧನ್ವೀರ್ ಸೇರಿದಂತೆ ಮತ್ತಿತರರು ಭೇಟಿಯಾಗಿರುವುದು ಬೆಳಕಿಗೆ ಬಂದಿದೆ. ಆರ್‌ಟಿಐ ಕಾರ್ಯಕರ್ತರೊಬ್ಬರು ಈ ಮಾಹಿತಿಯನ್ನು ಕೇಳಿದ್ದು, ಜೈಲು ಅಧಿಕಾರಿಗಳು ನೀಡಿರುವ ಮಾಹಿತಿಯಲ್ಲಿ ಈ ಅಂಶ ಬೆಳಕಿಗೆ ಬಂದಿದೆ.