ಅಭಿನಯ ಚಕ್ರವರ್ತಿ ಕಿಚ್ಚಸುದೀಪ್ ನಟಿಸಿರುವ ಪ್ಯಾನ್ ಇಂಡಿಯಾ ಸಿನಿಮಾ ‘ಮ್ಯಾಕ್ಸ್ ‘ ಡಿಸೆಂಬರ್ 20ಕ್ಕೆ ಥೀಯೇಟರ್ಗೆ ಬರಲು ಎಲ್ಲಾ ಸಿದ್ಧತೆಯನ್ನು ಮಾಡಿಕೊಂಡಿದೆಯೆನ್ನುವ ಸುದ್ಧಿ ಸಿನಿಮಾ ತಂಡದ ಆಪ್ತವಲಯದಿಂದ ಹೊರಬಂದಿದೆ.
ತಮಿಳುನಾಡಿನ ಹೊಸ ನಿರ್ದೇಶಕರಾದ ಶಿವಕಾರ್ತಿಕೆಯ ಅವರ ನಿರ್ದೇಶನದಲ್ಲಿ ಮತ್ತು ಕಲೈ ಪಲಾವ್ ಅವರ ‘ವಿ ಕ್ರಿಯೇಷನ್’ ಬ್ಯಾನರ್ ಅಡಿಯಲ್ಲಿ ನಿರ್ಮಾಣವಾಗಿರುವ ಸಿನಿಮಾ ಮ್ಯಾಕ್ಸ್.
ಕಿಚ್ಚ ಸುದೀಪ್ ಅವರ ವಿಕ್ರಾಂತ್ ರೋಣ ಸಿನಿಮಾ ರಿಲೀಸ್ ಆಗಿ ಎರಡೂವರೆ ವರ್ಷ ಆಗಿದೆ.ತನ್ನ ನೆಚ್ಚಿನ ನಟನ ಸಿನಿಮಾ ಬಿಡುಗಡೆಗೋಸ್ಕರ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ.
ಹಾಗೂ ಕನ್ನಡ ಚಲನಚಿತ್ರಕ್ಕೂ ಕೂಡ ಒಬ್ಬ ದೊಡ್ಡ ಸ್ಟಾರ್ ನಟನ ಸಿನಿಮಾದ ಅವಶ್ಯಕತೆಯಿದೆ.
ಈ ಹಿಂದೆ ಗೌರಿ ಗಣೇಶ ಹಬ್ಬದ ಪ್ರಯುಕ್ತ ಮ್ಯಾಕ್ಸ್ ಸಿನಿಮಾ ಡೇಟ್ ಅನೌನ್ಸ್ ಆಗಬೇಕಾಗಿತ್ತು.ತಾಂತ್ರಿಕ ಕಾರಣಗಳಿಂದ ಸಿನಿಮಾ ರಿಲೀಸ್ ದಿನಾಂಕವನ್ನು ಮುಂದೂಡಲಾಯಿತು.ಮುಂದಿನ ಅಕ್ಟೋಬರ್ ತಿಂಗಳಲ್ಲಿ ದೊಡ್ಡ ಚಿತ್ರಗಳಾದ ಧ್ರುವ ಸರ್ಜಾ ರವರ ಮಾರ್ಟಿನ್, ಶ್ರೀಮುರುಳಿ ನಟನೆಯ ‘ಭಘೀರ’ ಉಪೇಂದ್ರ ಅವರ ‘ಯುಐ’ ಸಿನಿಮಾಗಳು ಬಿಡುಗಡೆಯಾಗಲಿವೆ.
ಎಲ್ಲಾ ದೊಡ್ಡ ಕನ್ನಡ ಸಿನಿಮಾಗಳು ಒಂದೇ ಸಲ ಬಿಡುಗಡೆಯಾದರೆ ನಿರ್ಮಾಪಕರಿಗೂ ಮತ್ತು ಚಿತ್ರರಂಗ ಎರಡಕ್ಕೂ ನಷ್ಟವಾಗುತ್ತದೆ. ಆದರಿಂದ ಮ್ಯಾಕ್ಸ್ ಸಿನಿಮಾ ಈ ತಿಂಗಳಲ್ಲಿ ಬಿಡುಗಡೆಯಾಗುವುದಿಲ್ಲ ಎಂಬುದು ಮಾತ್ರ ಖಚಿತವಾಗಿ ತಿಳಿದು ಬಂದಿದೆ.
ಇನ್ನೂ ನವೆಂಬರ್ ಅಲ್ಲಿ ಹ್ಯಾಟ್ರಿಕ್ ಹೀರೋ ಶಿವಣ್ಣನ ‘ಭೈರತಿ ರಣಗಲ್ಲು’ ಬಿಡುಗಡೆಯಾಗುತ್ತಿದೆ. ಒಟ್ಟಿನಲ್ಲಿ ಡಿಸೆಂಬರ್ 20ಕ್ಕೆ ಮ್ಯಾಕ್ಸ್ ತೆರೆಗೆ ಬಂದರೆ ತೆಲುಗು ಸೂಪರ್ ಸ್ಟಾರ್ ರಾಮ್ ಚರಣ್ ಅಭಿನಯದ ‘ಗೇಮ್ ಚೇಂಜರ್ ‘ ಚಿತ್ರದ ನಡುವೆ ಪ್ಯಾನ್ ಇಂಡಿಯ ಪೈಪೋಟಿ ಬೀಳುವುದು ಖಚಿತ.