ದೆಹಲಿ ಚುನಾವಣೆ ಫಲಿತಾಂಶ: ಅರವಿಂದ ಕೇಜ್ರೀವಾಲ್ ಗೆ ಸೋಲು

ಹೊಸದಿಲ್ಲಿ : ಎಎಪಿ ದೆಹಲಿ ಚುನಾವಣೆಯಲ್ಲಿ ಭಾರಿ ಮುಖಭಂಗ ಅನುಭವಿಸಿದ್ದು ಸ್ವತಃ ಅರವಿಂದ ಕೇಜ್ರೀವಾಲ್ ಸೋಲು ಅನುಭವಿಸಿದ್ದಾರೆ‌.

ನವದೆಹಲಿ ಕ್ಷೇತ್ರದಲ್ಲಿ ಸ್ಪರ್ಧೆ ಮಾಡಿದ್ದ ಅರವಿಂದ್ ಕೇಜ್ರೀವಾಲ್, ಭಾರಿ ಅಂತರದ ಗೆಲುವಿನ ನಿರೀಕ್ಷೆಯಲ್ಲಿದ್ದರು. ಆದರೆ, ಬಿಜೆಪಿಯ ಅಭ್ಯರ್ಥಿಯ ಮುಂದೆ 3812 ಮತಗಳ ಅಂತರದಲ್ಲಿ ಸೋಲು ಅನುಭವಿಸಿದ್ದಾರೆ.

ಸತತ ಎರಡು ಬಾರಿ ಸಿಎಂ ಆಗಿದ್ದ ಅರವಿಂದ ಕೇಜ್ರೀವಾಲ್, ಅಬಕಾರಿ ನೀತಿ ಜಾರಿಯಲ್ಲಿ ನಡೆದ ಭ್ರಷ್ಟಾಚಾರ ಆರೋಪದಲ್ಲಿ ಜೈಲು ಸೇರಿದ್ದರು. ಅದನ್ನು ಅವರು ರಾಜಕೀಯ ಪಿತೂರಿ ಎಂದು ಎಷ್ಟೇ ಬಿಂಬಿಸಿದ್ದರೂ ಕೂಡ ಜನ ಕೇಜ್ರೀವಾಲ್ ಕೈಹಿಡಿಯಲಿಲ್ಲ.

ಅಬಕಾರಿ ಹಗರಣದಲ್ಲಿ ಭಾಗಿಯಾಗಿದ್ದಾರೆ ಎನ್ನಲಾದ ಮೊನೀಶ್ ಸಿಸೋಡಿಯಾ ಕೂಡ ಚುನಾವಣೆಯಲ್ಲಿ ಸೋಲು ಅನುಭವಿಸಿದ್ದಾರೆ. ಕೇಜ್ರೀವಾಲ್ ರಾಜೀನಾಮೆ ನಂತರ ಸಿಎಂ ಆಗಿದ್ದ ಅತಿಶಿ ಕೂಡ ಸೋಲಿನ ಸಮೀಪದಲ್ಲಿದ್ದಾರೆ ಎಂಬ ಮಾಹಿತಿ ಇದೆ.