ಕಾರ್ತಿಕ ಸೋಮವಾರದ ಎಫೆಕ್ಟ್ : ಶ್ರವಣಬೆಳಗೊಳದಲ್ಲಿ ಬಸ್ ಗೆ ಜನವೋ ಜನ

ಶ್ರವಣಬೆಳಗೊಳ: ಕಡೇ ಕಾರ್ತಿಕ ಸೋಮುವಾರದ ಅಂಗವಾಗಿ ಶ್ರವಣಬೆಳಗೊಳದ ಸುತ್ತಲಿನ ದೇವಸ್ಥಾನಗಳಿಗೆ ತೆರಳುವ ಜನರು ಬಸ್ ಗಾಗಿ ಪರಸಾಟ ನಡೆಸುವ ದೃಶ್ಯ ಕಂಡುಬಂತು.

ಪ್ರಸಿದ್ದ ಸಾಸಲು ಕ್ಷೇತ್ರದ ಭೇಟಿಗೆ ಸಾವಿರಾರು ಭಕ್ತರು ಇಂದು ತೆರಳಿದ್ದರು. ಜತೆಗೆ, ಶ್ರವಣಬೆಳಗೊಳ ಸುತ್ತಮುತ್ತಲಿನ ಅನೇಕ ದೇವಸ್ಥಾನಗಳಲ್ಲಿ ಇಂದು ಕಡೇ ಕಾರ್ತಿಕ ಸೋಮವಾರ ದ ಪೂಜೆ ಹಮ್ಮಿಕೊಳ್ಳಲಾಗಿದೆ. ಹೀಗಾಗಿ, ಶ್ರವಣ ಬೆಳಗೊಳ ಬಸ್ ನಿಲ್ದಾಣದಲ್ಲಿ ಬಸ್ ಗಾಗಿ ನೂರಾರು ಜನರು ಕಾಯುತ್ತಿದ್ದರು.

ಮಹಿಳೆಯರಿಗೆ ಉಚಿತ ಪ್ರಯಾಣದ ಕಾರಣಕ್ಕೆ ಹೆಚ್ಚಾಗಿ ಮಹಿಳೆಯರು ದೇವಸ್ಥಾನಗಳಿಗೆ ತೆರಳುತ್ತಾರೆ. ಹೀಗಾಗಿ, ಬಸ್ ಗಳು ಬಹಳ ಜನಸಂದಣಿಯಿಂದ ತುಂಬಿ ತುಳಿಕಿದ್ದವು. ಹೆಚ್ಚುವರಿ ಬಸ್ ಗಳ ವ್ಯವಸ್ಥೆ ಮಾಡಲು KSRTCವಿಫಲವಾಗಿದ್ದು, ಜನಜಂಗುಳಿ ಹೆಚ್ಚಾಗಿತ್ತು. ಪ್ರಯಾಣಿಕರು ನಿಗಮದ ಅಧಿಕಾರಿಗಳಿಗೆ ಹಿಡಿಶಾಪ ಹಾಕಿದರು.