ಬೆಂಗಳೂರು: ಶಬರಿಮಲೆಯಿಂದ ವಾಪಸಾಗುತ್ತಿರುವಾಗ ಬಸ್ ಪಲ್ಟಿಯಾಗಿ ಹಲವು ಮಂದಿ ಗಾಯಗೊಂಡಿರುವ ಘಟನೆ ಇಂದು ಬೆಳಗಿನ ಜಾವ ವಯನಾಡಿನಲ್ಲಿ ನಡೆದಿದೆ.
ಬಸ್ ನಿಯಂತ್ರಣ ತಪ್ಪಿ ರಸ್ತೆಗೆ ಅಡ್ಡಲಾಗಿ ಪಲ್ಟಿಯಾಗಿದೆ. ಬಸ್‌ನಲ್ಲಿ 50ಕ್ಕೂ ಹೆಚ್ಚು ಪ್ರಯಾಣಿಕರಿದ್ದರು ಎಂದು ಅಂದಾಜಿಸಲಾಗಿದೆ. ಗಾಯಾಳುಗಳನ್ನು ಮಾನಂತವಾಡಿ ವೈದ್ಯಕೀಯ ಕಾಲೇಜಿಗೆ ದಾಖಲಿಸಲಾಗಿದೆ. ಪೊಲೀಸರು ಮತ್ತು ಅಗ್ನಿಶಾಮಕ ದಳದ ಸಿಬ್ಬಂದಿ ಕೂಡ ಘಟನಾ ಸ್ಥಳಕ್ಕೆ ಆಗಮಿಸಿ ರಕ್ಷಣಾ ಕಾರ್ಯಾಚರಣೆಯಲ್ಲಿ ತೊಡಗಿದ್ದಾರೆ.
ಶಬರಿಮಲೆ ಯಾತ್ರಾರ್ಥಿಗಳನ್ನು ಬೇರೆ ರಾಜ್ಯಗಳಿಂದ ಕರೆದೊಯ್ಯುವ ಬಸ್‌ಗಳು ಮತ್ತು ಮಿನಿ ಬಸ್‌ಗಳು ತಾಮರಸ್ಸೆರಿ ಘಾಟ್ ಮೂಲಕ ವೇಗವಾಗಿ ಚಲಿಸುವ ಬಗ್ಗೆ ದೂರುಗಳಿವೆ. ಶಬರಿಮಲೆಗೆ ಗರಿಷ್ಠ ಟ್ರಿಪ್‌ಗಳನ್ನು ಮಾಡಲು, ಬಸ್‌ಗಳು, ಮಿನಿಬಸ್‌ಗಳನ್ನು ಮಕ್ಕಳಿದ್ದರೂ ಕೂಡ ಹೆಚ್ಚಿನ ವೇಗದಲ್ಲಿ ಓಡಿಸಲಾಗುತ್ತದೆ ಎನ್ನಲಾಗಿದೆ.