ಸಿನಿಮಾ

ಸಿದ್ದಲಿಂಗಯ್ಯ ಅವರ ಮೊದಲ ಮತ್ತು ಕೊನೆಯ ಗೀತೆಗಳ ಸಂಗೀತ ನಿರ್ದೇಶಕ ನಾನು ಅನ್ನೋ ಹೆಮ್ಮೆಯಿದೆ: ಮದನ್ ಪಟೇಲ್

Share It


ಬೆಂಗಳೂರು: ದಲಿತ ಸಾಹಿತಿ ಡಾ. ಸಿದ್ದಲಿಂಗಯ್ಯ ಅವರ ಮೊದಲ ಮತ್ತು ಕೊನೆಯ ಸಿನಿಮಾ ಗೀತೆಯ ನಿರ್ದೇಶಕ ನಾನು ಎಂದು ನಿರ್ದೇಶಕ, ನಿರ್ಮಾಪಕ ಡಾ. ಮದನ್ ಪಟೇಲ್ ಖುಷಿ ಹಂಚಿಕೊಂಡಿದ್ದಾರೆ.

ಮಲ್ಲೇಶ್ವರದ ರೇಣುಕಾಂಬ ಸ್ಟುಡಿಯೋದಲ್ಲಿ ನಡೆದ ತಮ್ಮ ಅಭಿನಯದ ತಮಟೆ ಚಿತ್ರದ ಟೀಸರ್ ಬಿಡುಗಡೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಸಿದ್ದಲಿಂಗಯ್ಯ ಅವರು ಸಿನಿಮಾ ಸಾಹಿತ್ಯ ಬರೆಯಲು ಶುರು ಮಾಡಿದ್ದು ನನ್ನ ಸಂಗೀತ ನಿರ್ದೇಶನದ ಇಂಡಿಯನ್ ಸಿನಿಮಾದ ಮೂಲಕ. ತಮಟೆ ಚಿತ್ರದ ಉತ್ತರ ದಿಕ್ಕಿನ ರಾಜಕುಮಾರಿ ಹಾಡನ್ನು ಅವರು ನಿಧನರಾಗುವ ಮೊದಲು ಬರೆದುಕೊಟ್ಟಿದ್ದರು ಎಂದರು.

oplus_2

ತಮಟೆ ಸಿನಿಮಾ ನನ್ನದೇ ಕಾದಂಬರಿ ಆಧಾರಿತ ಚಿತ್ರ. ಇದು ನ.28 ರಂದು ಬಿಡುಗಡೆಯಾಗಲಿದೆ. ಒಂದು ಸಾಮಾಜಿಕ ಚಿತ್ರವನ್ನು ಪ್ರೇಕ್ಷಕರು ಮೆಚ್ಚಿ ಚಿತ್ರಮಂದಿರಕ್ಕೆ ಬಂದು ನೋಡಿ ಹರಸುತ್ತಾರೆ ಎಂಬ ನಂಬಿಕೆಯಿದೆ. ಮಯೂರ್ ಪಟೇಲ್ ನಿರ್ದೇಶನದ ಚಿತ್ರದಲ್ಲಿ ಎಲ್ಲ ಕಲಾವಿದರು ಅತ್ಭುತವಾಗಿ ಅಭಿನಯಿಸಿದ್ದಾರೆ ಎಂದರು.

ಸಿನಿಮಾದಲ್ಲಿ ಮದನ್ ಪಟೇಲ್, ಟೆನ್ನಿಸ್ ಕೃಷ್ಣ, ಚಂದನ್ ಗೌಡ, ಸೇರಿ ಬಹುತೇಕ ಹಿರಿಯ ಕಲಾವಿದರು ಅಭಿನಯಿಸಿದ್ದಾರೆ. ಮದನ್ ಪಟೇಲ್ ಕಥೆ, ಚಿತ್ರಕತೆ ಬರೆದು ಸಂಗೀತ ನಿರ್ದೇಶನ ಮಾಡಿದ್ದಾರೆ. ಡಾ. ಸಿದ್ದಲಿಂಗಯ್ಯ ಅವರ ಸಾಹಿತ್ಯ ಚಿತ್ರಕ್ಕಿದೆ.

oplus_2

ಚಿತ್ರದ ಟೀಸರ್ ಬಿಡುಗಡೆ ಕಾರ್ಯಕ್ರಮದಲ್ಲಿ ಸಂಸ್ಕೃತ ವಿವಿ ನಿವೃತ್ತ ಕುಲಪತಿಗಳಾದ ಮಲ್ಲೇಪುರಂ ಜಿ. ವೆಂಕಟೇಶ್, ಹಾಸ್ಯನಟ ಮುತ್ತುರಾಜ್, ನಾಯಕ ನಟಿ ತೇಜಸ್ವಿನಿ ಗೌಡ, ಪತ್ರಕರ್ತ ಹಾಗೂ ನಿರ್ಮಾಪಕ ದಿವಾಕರ್ ಭಾಗವಹಿಸಿದ್ದರು.


Share It

You cannot copy content of this page