ಬಿಗ್ ಬಾಸ್ ಕನ್ನಡ 12ನೇ ಆವೃತ್ತಿಯ ಗ್ರ್ಯಾಂಡ್ ಫಿನಾಲೆ ಹತ್ತಿರವಾಗುತ್ತಿದ್ದಂತೆ ವಿನ್ನರ್ ಯಾರು ಎನ್ನುವ ಕುತೂಹಲ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಗೆಲುವಿನ ಕುರಿತು ವಿವಿಧ ಪೋಸ್ಟರ್ಗಳು, ಊಹಾಪೋಹಗಳು ಹರಿದಾಡುತ್ತಿರುವ ನಡುವೆ, ಶೋ ಹೋಸ್ಟ್ ಕಿಚ್ಚ ಸುದೀಪ್ ಟ್ವೀಟ್ ಮೂಲಕ ಮಹತ್ವದ ಸಂದೇಶವೊಂದನ್ನು ಹಂಚಿಕೊಂಡಿದ್ದಾರೆ.
ಫಿನಾಲೆ ಹೊಸ್ತಿಲಲ್ಲಿ ಕಿಚ್ಚನ ಸಂದೇಶ: ಬಿಗ್ ಬಾಸ್ 12 ಅಂತಿಮ ಹಂತ ತಲುಪಿರುವಾಗ, ಪ್ರೇಕ್ಷಕರು ತಮ್ಮ ನೆಚ್ಚಿನ ಸ್ಪರ್ಧಿಗಳ ಪರವಾಗಿ ಭರ್ಜರಿ ಬೆಂಬಲ ವ್ಯಕ್ತಪಡಿಸುತ್ತಿದ್ದಾರೆ. ಗಿಲ್ಲಿ ನಟ, ಕಾವ್ಯ, ಅಶ್ವಿನಿ ಗೌಡ, ರಘು ಹಾಗೂ ಧನುಷ್ ನಡುವೆ ಗೆಲುವಿನ ಪೈಪೋಟಿ ತೀವ್ರಗೊಂಡಿದೆ. ಇಂತಹ ಸಮಯದಲ್ಲೇ ಸುದೀಪ್ ತಮ್ಮ ಟ್ವೀಟ್ ಮೂಲಕ ಶೋ ಕುರಿತು ಮನದಾಳದ ಮಾತುಗಳನ್ನು ಹಂಚಿಕೊಂಡಿದ್ದಾರೆ.
ಟ್ವೀಟ್ನಲ್ಲಿ ಸುದೀಪ್ ಹೇಳಿದ್ದೇನು?: “ಇಂದಿನ ಸೂರ್ಯಾಸ್ತದೊಂದಿಗೆ ಬಿಗ್ ಬಾಸ್ 12ರ ಪಯಣ ಅಂತ್ಯಗೊಳ್ಳುತ್ತಿದೆ. ಈ ಸೀಸನ್ ಅತ್ಯುತ್ತಮ ಮನರಂಜನೆಯೊಂದಿಗೆ ಅದ್ಭುತವಾಗಿ ಸಾಗಿದ್ದು, ಶೋ ವರ್ಷದಿಂದ ವರ್ಷಕ್ಕೆ ಹೇಗೆ ಬೆಳೆಯುತ್ತಿದೆ. ನಿರಂತರ ಬೆಂಬಲ ನೀಡಿದ ಪ್ರೇಕ್ಷಕರಿಗೆ ಹೃತ್ಪೂರ್ವಕ ಧನ್ಯವಾದಗಳು. ಎಲ್ಲ ಸ್ಪರ್ಧಿಗಳಿಗೆ ಹಾಗೂ ವಿಜೇತರಿಗೆ ಅಭಿನಂದನೆಗಳು. ಈ ಯಶಸ್ಸಿನ ಹಿಂದೆ ಶ್ರಮಿಸಿದ ತಾಂತ್ರಿಕ ತಂಡದ ಪ್ರತಿಯೊಬ್ಬರಿಗೂ ಅಭಿನಂದನೆಗಳು. ನಿಮ್ಮಿಲ್ಲದೆ ಬಿಗ್ ಬಾಸ್ ಸಾಧ್ಯವಿರಲಿಲ್ಲ” ಎಂದು ಸುದೀಪ್ ಬರೆದುಕೊಂಡಿದ್ದಾರೆ.
ಬಿಗ್ ಬಾಸ್ 13ರ ಸುಳಿವು?: ಅದೇ ಟ್ವೀಟ್ನಲ್ಲಿ ಸುದೀಪ್ ಮತ್ತೊಂದು ಮಹತ್ವದ ಅಪ್ಡೇಟ್ ನೀಡಿದ್ದಾರೆ. “ಬಿಗ್ ಬಾಸ್ 12 ಇಂದು ತೆರೆಬೀಳುತ್ತಿದೆ. ಮುಂದಿನ ಸೀಸನ್ ಆರಂಭವಾಗುವವರೆಗೆ ವಿಶ್ರಾಂತಿಯ ಭಾಗವಾಗಿ ಸೂರ್ಯಾಸ್ತದ ವೇಳೆ ಬಿಗ್ ಬಾಸ್ ಮನೆಯ ಬಾಗಿಲುಗಳನ್ನು ಮುಚ್ಚುತ್ತಿದ್ದೇವೆ. ಎಲ್ಲರಿಗೂ ಪ್ರೀತಿ ಮತ್ತು ಶುಭಾಶಯಗಳು” ಎಂದು ಹೇಳಿದ್ದಾರೆ. ಈ ಮಾತುಗಳಿಂದ ಬಿಗ್ ಬಾಸ್ 13ರಲ್ಲೂ ತಾವೇ ಹೋಸ್ಟ್ ಆಗಿ ಮುಂದುವರಿಯುವ ಸಾಧ್ಯತೆಯನ್ನು ಸೂಚಿಸಿದ್ದಾರೆ ಎನ್ನಲಾಗುತ್ತಿದೆ.
ಅದ್ಧೂರಿ ಫಿನಾಲೆಗೆ ತೆರೆ: ಸುಮಾರು 100 ದಿನಗಳ ಪಯಣ ಇಂದಿನ ಗ್ರ್ಯಾಂಡ್ ಫಿನಾಲೆಯೊಂದಿಗೆ ಮುಕ್ತಾಯಗೊಳ್ಳುತ್ತಿದೆ. ಗಿಲ್ಲಿ, ರಕ್ಷಿತಾ ಶೆಟ್ಟಿ, ಅಶ್ವಿನಿ ಗೌಡ, ರಘು ಹಾಗೂ ಧನುಷ್ಗಳಿಗೆ ಭಾರಿ ಪ್ರಮಾಣದಲ್ಲಿ ಮತದಾನ ನಡೆಯುತ್ತಿದೆ. ವಿಶೇಷವಾಗಿ ಗಿಲ್ಲಿ, ರಕ್ಷಿತಾ ಶೆಟ್ಟಿ ಮತ್ತು ಅಶ್ವಿನಿ ಗೌಡ ನಡುವೆ ಕಠಿಣ ಸ್ಪರ್ಧೆ ಕಂಡುಬರುತ್ತಿದೆ.
ರಾಜ್ಯ ಮೀರಿದ ಬಿಗ್ ಬಾಸ್ ಕ್ರೇಜ್: ಈ ಬಾರಿ ಬಿಗ್ ಬಾಸ್ ಕ್ರೇಜ್ ಕರ್ನಾಟಕದ ಗಡಿಗಳನ್ನು ಮೀರಿದ್ದು, ಇತರ ರಾಜ್ಯಗಳಲ್ಲೂ ಶೋಗೆ ಅಪಾರ ಜನಪ್ರಿಯತೆ ದೊರೆತಿದೆ. ಹಲವೆಡೆ ಸ್ಪರ್ಧಿಗಳ ಪರವಾಗಿ ಪೂಜೆ, ಅನ್ನದಾನಗಳೂ ನಡೆಯುತ್ತಿದ್ದು, ಅವರ ಊರುಗಳಲ್ಲಿ ಹಬ್ಬದ ವಾತಾವರಣ ನಿರ್ಮಾಣವಾಗಿದೆ. ಎಲ್ಲೆಡೆ ಬಿಗ್ ಬಾಸ್ 12ರ ಕುರಿತ ಚರ್ಚೆಯೇ ಜೋರಾಗಿದೆ.
ವಿವಾದಗಳ ಮಧ್ಯೆಯೇ ಫಿನಾಲೆ: ಬಿಗ್ ಬಾಸ್ 12 ಈ ಬಾರಿ ಹಲವು ವಿವಾದಗಳಿಗೂ ಸಾಕ್ಷಿಯಾಗಿದೆ. ಸರ್ಕಾರದ ಅನುಮತಿ ಸಂಬಂಧಿಸಿದ ಗೊಂದಲದಿಂದ ಕೆಲ ದಿನಗಳು ಶೋ ಸ್ಥಗಿತಗೊಂಡಿತ್ತು. ನಂತರವೂ ಟೀಕೆಗಳು, ಚರ್ಚೆಗಳು ನಡೆಯುತ್ತಲೇ ಬಂದವು. ಆದರೂ ಎಲ್ಲಾ ಅಡೆತಡೆಗಳನ್ನು ದಾಟಿ, ಇದೀಗ ಶೋ ಭರ್ಜರಿ ಫಿನಾಲೆ ಹಂತಕ್ಕೆ ತಲುಪಿದೆ.