‘ಕ್ರೇಜಿ ಸ್ಟಾರ್’ ರವಿಚಂದ್ರನ್ ಅವರು ಇಂದು 64ನೇ ಹುಟ್ಟುಹಬ್ಬ ಆಚರಿಸಿಕೊಂಡರು. ಈ ಬಾರಿಯ ಬರ್ತಡೆ ಅಭಿಮಾನಿಗಳಿಗೆ ದೊಡ್ಡ ಸರ್ಪ್ರೈಸ್‌ಗಳನ್ನು ನೀಡಲಿದ್ದಾರೆ ಎಂಬ ಮಾತುಗಳು ಕೇಳಿ ಬಂದಿದ್ದವು. ಅದ್ರೆ ಅಭಿಮಾನಿಗಳಿಗೆ ಕೊಂಚ ನಿರಾಸೆ ಮೂಡಿತು. ಹೌದು, ರವಿಮಾಮ ತಮ್ಮ ಹುಟ್ಟುಹಬ್ಬದಂದು ಫ್ಯಾನ್ಸ್ಗೆ ಸರ್ಪ್ರೈಸ್ ನೀಡಲು ಸಜ್ಜಾಗಿದ್ದಾರೆ ಅಂದುಕೊಂಡಿದ್ದ ಅಭಿಮಾನಿಗಳಿಗೆ ಸ್ವಲ್ಪ ನಿರಾಸೆ ಆಯ್ತು…ಹಾಗಾದರೆ ಆ ನಿರಾಸೆ ಎನು? ಮುಂದೆ ಓದಿ…
ಮೇ 30ರ ತಮ್ಮ ಹುಟ್ಟುಹಬ್ಬದ ದಿನ ರವಿಚಂದ್ರನ್ ಅವರು ಹೊಸ ಅನೌನ್ಸ್ಮೆಂಟ್‌ಗಳನ್ನು ಮಾಡಲಿದ್ದಾರೆ ಎಂಬ ಟಾಕ್ ಮುಂಚೆಯೇ ಕೇಳಿಬಂದಿತ್ತು. ಹೌದು, ರವಿಚಂದ್ರನ್ ಭಾರಿ ನಿರೀಕ್ಷೆಯಿಂದ ಆರಂಭಿಸುತ್ತಿರುವ ‘ಪ್ರೇಮಲೋಕ 2’ ಸಿನಿಮಾದ ಅಧಿಕೃತ ಘೋಷಣೆ ಸದ್ಯಕ್ಕೆ ಮುಂದೂಡಿದ್ದೇವೆ ಎಂದು ಹೇಳುವ ಮೂಲಕ
ಅಭಿಮಾನಿಗಳಿಗೆ ಸ್ವಲ್ಪ ನಿರಾಸೆ ಮೂಡಿಸಿದರು.
‘ಪ್ರೇಮಲೋಕ 2’ ಚಿತ್ರವನ್ನು ರವಿಚಂದ್ರನ್ ನಿರ್ದೇಶಿಸಿ, ನಿರ್ಮಾಣ ಮಾಡುತ್ತಿದ್ದಾರೆ. ಅವರ ಪುತ್ರ ಮನೋರಂಜನ್ ಇದರ ಹೀರೋ ಎಂಬುದು ವಿಶೇಷ.
ಮತ್ತೆ ನಿರ್ದೇಶನದತ್ತ ಮುಖ ಮಾಡಿದ ರವಿಚಂದ್ರನ್;
‘ರವಿ ಬೋಪಣ್ಣ’ಸಿನಿಮಾದ ಸೋಲಿನ ನಂತರ ನಿರ್ದೇಶನದಿಂದ ದೂರ ಉಳಿದಿದ್ದ ರವಿಚಂದ್ರನ್ ಈ ಬಾರಿ ಹೊಸ ಚೈತನ್ಯದೊಂದಿಗೆ ಗೆದ್ದೇ ಗೆಲ್ಲುವ ಹುಮ್ಮಸ್ಸಿನಲ್ಲಿದ್ದಾರೆ.
‘ಪ್ರೇಮಲೋಕ-2’ದಲ್ಲಿರ‍್ತಾರಂತೆ ಮತ್ತೊಬ್ಬ ಮಗ;
1987ರಲ್ಲಿ ತೆರೆಕಂಡ ‘ಪ್ರೇಮಲೋಕ’ ಸಿನಿಮಾವು ರವಿಚಂದ್ರನ್ ಅವರ ಕರಿಯರ್‌ನ
ಬದಲಾಯಿಸಿದಂತೆ, ಇದೀಗ ಅದರ ಪಾರ್ಟ್ 2 ಮಾಡುವುದಕ್ಕೆ ರವಿಚಂದ್ರನ್ ಹೊರಟಿದ್ದು, ಪುತ್ರ ಮನೋರಂಜನ್ ಅವರಿಗೆ ಮೊದಲ ಬಾರಿಗೆ ಈ ಸಿನಿಮಾದ ಮೂಲಕ ನಿರ್ದೇಶನ ಮಾಡಲಿದ್ದಾರೆ. ‘ಪ್ರೇಮಲೋಕ-2 ಸಿನಿಮಾದಲ್ಲಿ ರವಿಚಂದ್ರನ್ ಕೂಡ ಒಂದು ಮುಖ್ಯ ಪಾತ್ರ ಮಾಡಲಿದ್ದಾರಂತೆ. ಜೊತೆಗೆ ರವಿಚಂದ್ರನ್ ಅವರ 2ನೇ ಪುತ್ರ ವಿಕ್ರಮ್ ಕೂಡ ಒಂದು ಪಾತ್ರವನ್ನು ಚಿತ್ರದಲ್ಲಿ ಮಾಡಲಿದ್ದಾರೆ ಎಂಬ ಮಾಹಿತಿ ಇದೆ. ರವಿಚಂದ್ರನ್ ಹೇಳಿದಂತೆಯೆ ಚಿತ್ರದಲ್ಲಿ 25 ಹಾಡುಗಳು ಇರಲಿವೆ.
‘ದಿ ಜಡ್ಜ್ಮೆಂಟ್’ ಟಿಕೆಟ್ ದರದಲ್ಲಿ ವಿನಾಯಿತಿ;
ಕಳೆದ ವಾರವಷ್ಟೇ (ಮೇ 24) ರವಿಚಂದ್ರನ್ ನಟನೆಯ ‘ದಿ ಜಡ್ಜ್ಮೆಂಟ್’ ಸಿನಿಮಾ ಬಿಡುಗಡೆ ಆಗಿದೆ. ಇದರಲ್ಲಿ ವಕೀಲರಾಗಿ ರವಿಚಂದ್ರನ್ ಕಾಣಿಸಿಕೊಂಡಿದ್ದು, ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ಸಿಗುತ್ತಿದೆ. ರವಿಚಂದ್ರನ್ ಹುಟ್ಟು ಹಬ್ಬದ ಹಿನ್ನಲೆಯಲ್ಲಿ ಚಿತ್ರತಂಡ ಟಿಕೆಟ್ ದರವನ್ನು ಕಡಿಮೆ ಮಾಡಿ ಅಭಿಮಾನಿಗಳಿಗೆ ಸಿಹಿ ಸುದ್ದಿ ನೀಡಿದೆ. ಧ್ರುವ ಸರ್ಜಾ ಅಭಿನಯದ KD ಚಿತ್ರದಲ್ಲೂ ರವಿಚಂದ್ರನ್ ಒಂದು ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.