ವಯನಾಡ್ : ಇಂದು ಖ್ಯಾತ ಚಿತ್ರನಟ ಮೋಹನ್ ಲಾಲ್ ಕೇರಳದ ಭೂಕುಸಿತ ಪೀಡಿತ ಮುಂಡಕ್ಕೈ ಪ್ರದೇಶಕ್ಕೆ ಸೇನಾ ಸಿಬ್ಬಂದಿಯೊಂದಿಗೆ ಭೇಟಿ ನೀಡಿದ್ದರು. ಹಾನಿಗೊಳಗಾದ ಪ್ರದೇಶದ ವೀಕ್ಷಣೆ ಮಾಡಿದರು. ನಂತರ ಪ್ರಾದೇಶಿಕ ಸೇನಾ ನೆಲೆ ಶಿಬಿರಕ್ಕೆ ಆಗಮಿಸಿ, ಕೋಝಿಕ್ಕೋಡ್‌ನಿಂದ ವಯನಾಡಿಗೆ ತೆರಳಿದರು.
ಕೆಲ ಸಮಯ ಸೇನಾ ಸಿಬ್ಬಂದಿಯೊಂದಿಗೆ ಮಾತುಕತೆ ನೆಡೆಸಿದ ನಟ ಮೋಹನ್ ಲಾಲ್ ವಯನಾಡಿನ ಜನರ ಸ್ಥೈರ್ಯ ನಿಜವಾಗಿಯೂ ಸ್ಪೂರ್ತಿದಾಯಕವಾಗಿದೆ. ಈ ಕಷ್ಟದ ಸಮಯದಲ್ಲಿ ಭಾರತೀಯ ಸೈನ್ಯವು ಅವರೊಂದಿಗೆ ಬಲವಾಗಿ ನಿಂತಿರುವುದನ್ನು ನೋಡುವುದು ಹೃದಯಸ್ಪರ್ಶಿಯಾಗಿದೆ ಎಂದು ಭಾವನಾತ್ಮಕವಾಗಿ ನುಡಿದರು. ಭಾರತೀಯ ಸೈನ್ಯವನ್ನು ಮನತುಂಬಿ ಅಭಿನಂದಿಸಿದರು.