ಮಂಗಳೂರು: ಧರ್ಮಸ್ಥಳ ಸಾಮೂಹಿಕ ಅಂತ್ಯಕ್ರಿಯೆ ಪ್ರಕರಣದಲ್ಲಿ ಎಸ್ಐಟಿ ಟೀಂ ತನಿಖೆ ಚುರುಕುಗೊಳಿಸಿದ್ದರ ಮಧ್ಯೆ 2000 ರಿಂದ 2015 ರವರೆಗೆ ದಾಖಲಾಗಿದ್ದ ಅಪರಿಚಿತ ಸಾವಿನ ದಾಖಲೆಗಳು(UDR) ಡಿಲೀಟ್ ಆಗಿರುವುದಕ್ಕೆ ಬೆಳ್ತಂಗಡಿ ಪೊಲೀಸರು ಟೀಕೆಗೆ ಒಳಗಾಗಿದ್ದಾರೆ.
ನೂರಾರು ಶವಗಳನ್ನು ಹೂಳಲಾಗಿದೆ ಎಂಬ ಆರೋಪದ ನಡುವೆ ದಾಖಲೆ ನಾಶವು ಕಳವಳ ಮತ್ತು ತೀವ್ರ ಟೀಕೆಗೆ ಗುರಿಯಾಗಿದೆ. ಆದರೆ ಪೊಲೀಸರು ಆಡಳಿತಾತ್ಮಕ ಆದೇಶದಂತೆ ದಾಖಲೆ ವಿಲೇವಾರಿ ಮಾಡಲಾಗಿದೆ ಎಂದು ಸ್ಪಷ್ಟನೆ ನೀಡಿದ್ದರೂ ಸಹ ಕಾನೂನು ತಜ್ಞರು ಇದಕ್ಕೆ ವಿರೋಧ ವ್ಯಕ್ತಪಡಿಸಿದ್ದಾರೆ.