ಬೆಂಗಳೂರು: ಉಗ್ರರ ಭೀಕರ ದಾಳಿ ನಡುವೆ ಐಸ್ ಕ್ರೀಂ ತಿನ್ನಲು ಹೋಗಿ 17 ಕನ್ನಡಿಗರು ಬಚಾವಾಗಿರುವ ಇಂಟ್ರೆಸ್ಟಿAಗ್ ಸಂಗತಿ ಬೆಳಕಿಗೆ ಬಂದಿದೆ.
ನ್ಯೂ ತಿಪ್ಪಸಂದ್ರ ಬಡಾವಣೆಯ ಸುಮನಾ ಭಟ್ ಸೇರಿದಂತೆ 17 ಜನರ ತಂಡ ಕಾಶ್ಮೀರದ ಕೊರೆಯುವ ಚಳಿಯಲ್ಲಿಯೂ ಐಸ್ ಕ್ರೀಂ ತಿನ್ನುವ ಆಸೆ ವ್ಯಕ್ತಪಡಿಸಿತ್ತು. ಕೆಲವರ ಬೇಡಿಕೆಗೆ ಮಣಿದ 17 ಜನರ ತಂಡ ಐಸ್ ಕ್ರೀಂ ತಿನ್ನುವ ಸಲುವಾಗಿ ಬಸರನ್ ತಲುಪುವ ಮುನ್ನವೇ ತನ್ನ ವಾಹನ ನಿಲ್ಲಿಸಿತ್ತು.
ಐಸ್ ಕ್ರೀಂ ತಿಂದು ವಾಪವಾಗುವ ವೇಳೆಗಾಗಲೇ ಬಸರನ್ ಹುಲ್ಲುಗಾವಲಿನ ಸಮೀಪ ಉಗ್ರರ ಗುಂಡಿನ ಶಬ್ದ ಕೇಳಿಸಲು ಆರಂಭವಾಗಿತ್ತು. ಘಟನೆಯಲ್ಲಿ ಕನ್ನಡಿಗರು ಸೇರಿ 27 ಜನರನ್ನು ಗುಂಡಿಕ್ಕಿ ಕೊಲ್ಲಲಾಗಿತ್ತು. ಈ ಎಲ್ಲ ಘಟನೆಗಳನ್ನು ಪ್ರತ್ಯಕ್ಷದರ್ಶಿ ಹಾಗೂ ಐಸ್ ಕ್ರೀಂ ತಿನ್ನುವ ಸಲುವಾಗಿ ತಡವಾಗಿ ಹೋದ ಸುಮನಾ ಭಟ್ ಮಾಧ್ಯಮಗಳ ಜತೆಗೆ ಹಂಚಿಕೊAಡಿದ್ದಾರೆ.
ಇದೀಗ ಕರ್ನಾಟಕದಿಂದ ಅಧಿಕಾರಿಗಳು ಮತ್ತು ಸಚಿವ ಸಂತೋಷ್ ಲಾಡ್ ನೇತೃತ್ವದ ತಂಡ ಆಗಮಿಸಿದ್ದು, ನಮಗೆ ಅಗತ್ಯ ಸೌಲಭ್ಯಗಳನ್ನು ಒದಗಿಸುವ ಕೆಲಸ ಮಾಡುತ್ತಿದೆ. ಆದರೆ, ನಮ್ಮವರನ್ನು ಕಳೆದುಕೊಂಡು ದುಃಖ ಮಾತ್ರ ಭರಿಸಲು ಅಸಾಧ್ಯ ಎಂದು ಅವರು ದುಃಖಿತರಾಗಿದ್ದಾರೆ.