ಬೆಂಗಳೂರು: ನಟಿ ಸಮಂತಾ ಜತೆಗೆ ವಿಚ್ಚೇದನ ಪಡೆದುಕೊಂಡ ನಂತರ ನಟ ನಾಗಚೈತನ್ಯ ಎರಡನೇ ವಿವಾಹಕ್ಕೆ ಸಜ್ಜಾಗಿದ್ದು, ಇಂದು ಅವರ ನಿಶ್ಚಿತಾರ್ಥ ನಡೆಯಲಿದೆ.
ಮಾಡೆಲ್ ಮತ್ತು ನಟಿ ಶೋಭಿತಾ ಜತೆಗೆ ನಾಗಚೈತನ್ಯ ರಿಂಗ್ ಬದಲಾಯಿಸಿಕೊಳ್ಳಲಿದ್ದಾರೆ ಎಂದು ನಾಗಾರ್ಜುನ ಕುಟುಂಬದ ಮೂಲಗಳು ತಿಳಿಸಿವೆ. ಶೋಭಿತಾ ಮಲೆಯಾಳಂ ಮೂಲದ ಮಾಡೆಲ್ ಆಗಿದ್ದು, ನಾಗಚೈತನ್ಯ ಜತೆಗೂ ಅನೇಕ ಸಿನಿಮಾ, ವೆಬ್ ಸಿರೀಸ್ ಗಳಲ್ಲಿ ನಟನೆ ಮಾಡಿದ್ದಾರೆ.
ಸಮಂತಾ ಜತೆ ವಿವಾಹ ಸಂಬಂಧ ಮುರಿದುಕೊಂಡ ನಂತರ ನಾಗಚೈತನ್ಯ, ಶೋಭಿತಾ ಜತೆಗೆ ಕಳೆದ ಮೂರು ವರ್ಷಗಳಿಂದ ಡೇಟಿಂಗ್ ನಡೆಸುತ್ತಿದ್ದರು ಎಂಬ ಮಾತುಗಳು ಕೇಳಿಬಂದಿತ್ತು. ವಿದೇಶದಲ್ಲಿ ಜತೆಯಾಗಿ ಓಡಾಡುತ್ತಿರುವ ಗಾಸಿಫ್ ಹರಿದಾಡಿತ್ತು.
ಇತ್ತೀಚೆಗೆ ಕಾಡೊಂದರಲ್ಲಿ ಇಬ್ಬರು ಏಕಾಂತವಾಗಿ ಟ್ರೆಕ್ಕಿಂಗ್ ಮಾಡಿದ ಫೋಟೋಗಳನ್ನು ಹಂಚಿಕೊಂಡಿದ್ದರು. ಇದು ಸಮಂತಾ ಕೆಂಗಣ್ಣಿಗೂ ಗುರಿಯಾಗಿತ್ತು. ಈ ಸಂದರ್ಭದಲ್ಲಿ ಸಮಂತಾ ಕೂಡ ಟ್ವೀಟ್ ಮಾಡಿ, ನಾಗಚೈತನ್ಯ ಬಗ್ಗೆ ಪರೋಕ್ಷವಾಗಿ ಟಾಂಗ್ ಕೊಟ್ಟಿದ್ದರು.
ಇದೀಗ ಶೋಭಿತಾ ಮತ್ತು ನಾಗಚೈತನ್ಯ ವಿವಾಹ ನಿಶ್ಚಿತ ವಾಗಿದ್ದಿ, ರಿಂಗ್ ಬದಲಾಯಿಸಿಕೊಳ್ಳಲಿದ್ದಾರೆ. ಮುಂದೆ ವಿವಾಹದ ಬಗ್ಗೆ ಅಧಿಕೃತ ಮಾಹಿತಿ ನೀಡಲಿದ್ದಾರೆ ಎಂದು ಕುಟುಂಬದ ಮೂಲಗಳು ಖಚಿತಪಡಿಸಿವೆ.