ಪಿಜ್ಜಾ ಪ್ರಿಯರೇ ಎಚ್ಚರ: ಡೈಲಿ ತಿಂತೀರಾ? ಹಾಗಿದ್ರೆ ನಿಮ್ಗೆ ಈ ರೋಗಗಳು ಬರೋದು ಗ್ಯಾರಂಟಿ!
ಪಿಜ್ಜಾ ಅಂದ್ರೆ ಈಗಿನ ಕಾಲದಲ್ಲಿ ಯಾರಿಗೆ ಇಷ್ಟ ಇಲ್ಲ ಹೇಳಿ, ಸಾಸ್ ಮತ್ತು ಟಾಪಿಂಗ್ಗಳೊಂದಿಗೆ ಈ ರುಚಿಕರವಾದ ಆಹಾರವು ಅನೇಕ ಜನರನ್ನು ಆಕರ್ಷಿಸುತ್ತದೆ. ಆದ್ರೆ ಪಿಜ್ಜಾ ತಿನ್ನುವುದು ನಮ್ಮ ದೇಹಕ್ಕೆ ಒಳ್ಳೆಯದಲ್ಲ. ಪಿಜ್ಜಾ ತಿನ್ನಲು ಸುಲಭ. ಮತ್ತೆ ಮತ್ತೆ ತಿನ್ನಬೇಕೆನಿಸುವ ರುಚಿ.. ಇದು ಪಿಜ್ಜಾದ ರಹಸ್ಯ.
ಪಿಜ್ಜಾ ಪ್ರಪಂಚದಾದ್ಯಂತ ಅತ್ಯಂತ ಜನಪ್ರಿಯ ಆಹಾರಗಳಲ್ಲಿ ಒಂದು. ಚೀಸ್, ಸಾಸ್ ಮತ್ತು ಟಾಪಿಂಗ್ಗಳೊಂದಿಗೆ ಈ ರುಚಿಕರವಾದ ಆಹಾರವು ಅನೇಕ ಜನರನ್ನು ಆಕರ್ಷಿಸುತ್ತದೆ. ಆದರೆ ಯಾವಾಗಲು ಪಿಜ್ಜಾ ತಿನ್ನುವುದು ನಮ್ಮ ದೇಹಕ್ಕೆ ಒಳ್ಳೆಯದಲ್ಲ. ಇದರಲ್ಲಿ ಹೆಚ್ಚಿನ ಕ್ಯಾಲೋರಿಗಳು, ಸ್ಯಾಚುರೇಟೆಡ್ ಕೊಬ್ಬುಗಳು ಮತ್ತು ಸೋಡಿಯಂ ಇದ್ದು, ಇದು ಹೃದಯ, ಜೀರ್ಣಾಂಗ ವ್ಯವಸ್ಥೆ ಮತ್ತು ಮೂತ್ರಪಿಂಡಗಳಂತಹ ಅಂಗಗಳಿಗೆ ಹಾನಿ ಮಾಡುತ್ತದೆ. ಆರೋಗ್ಯ ತಜ್ಞರು ವಾರಕ್ಕೆ ಒಂದು ಅಥವಾ ಎರಡು ಬಾರಿ ಮಾತ್ರ ಪಿಜ್ಜಾ ತಿನ್ನಲು ಸೂಚಿಸುತ್ತಾರೆ.
ಪಿಜ್ಜಾದಲ್ಲಿರುವ ಸಂಸ್ಕರಿಸಿದ ಹಿಟ್ಟಿನಿಂದ (ಮೈದಾ) ಬರುವ ಕಾರ್ಬೋಹೈಡ್ರೇಟ್ಗಳು ಮತ್ತು ಚೀಸ್ನಿಂದ ಬರುವ ಸ್ಯಾಚುರೇಟೆಡ್ ಕೊಬ್ಬುಗಳು (ನೀರಿನಲ್ಲಿ ಕರಗುವುದಿಲ್ಲ) ದೇಹದ ತೂಕ ಹೆಚ್ಚಾಗಲು ಕಾರಣವಾಗುತ್ತವೆ. ಪಿಜ್ಜಾದ ಒಂದು ವಿಶಿಷ್ಟ ಸ್ಲೈಸ್ 300-400 ಕ್ಯಾಲೊರಿಗಳನ್ನು ಹೊಂದಿರುತ್ತದೆ. ಇದನ್ನು ಆಗಾಗ್ಗೆ ತಿನ್ನುವುದರಿಂದ ದೇಹದಲ್ಲಿ ಕೊಬ್ಬು ಸಂಗ್ರಹವಾಗುತ್ತದೆ ಜತೆಗೆ ಬೊಜ್ಜು ಉಂಟಾಗುತ್ತದೆ. ಇದು ಶುಗರ್ ಮತ್ತು ಹೃದಯ ಕಾಯಿಲೆಗೆ ಕಾರಣವಾಗಬಹುದು.
ಪಿಜ್ಜಾದಲ್ಲಿರುವ ಅತಿ ಹೆಚ್ಚು ಸೋಡಿಯಂ (ಉಪ್ಪು) ಅಂಶವು ದೇಹದ ರಕ್ತದೊತ್ತಡವನ್ನು (BP) ಹೆಚ್ಚಿಸಬಹುದು. ಒಂದು ಪಿಜ್ಜಾ ಸ್ಲೈಸ್ನಲ್ಲಿ ಸುಮಾರು 600-900 ಮಿಲಿಗ್ರಾಂ ಸೋಡಿಯಂ ಒಳಗೊಂಡಿರುತ್ತದೆ, ದಿನನಿತ್ಯ ಪಿಜ್ಜಾ ತಿನ್ನುವುದರಿಂದ ಅಧಿಕ ರಕ್ತದೊತ್ತಡ ಮತ್ತು ಹೃದಯಾಘಾತದ ಅಪಾಯ ಹೆಚ್ಚಾಗುತ್ತದೆ. ಇದಕ್ಕೆ ಮುಖ್ಯ ಕಾರಣ ಚೀಸ್ ಮತ್ತು ಸಂಸ್ಕರಿಸಿದ ಮಾಂಸದಂತಹ ಟಾಪಿಂಗ್ಗಳು.
ಪಿಜ್ಜಾ ತಿನ್ನುವುದು ಒಂಥರ ಹೃದಯದ ಸಂಬಂಧಿ ಕಾಯಿಲೆಗಳಿಗೆ ಆಹ್ವಾನ ನೀಡಿದಂತೆ. ಸ್ಯಾಚುರೇಟೆಡ್ ಕೊಬ್ಬುಗಳು ಕೊಲೆಸ್ಟ್ರಾಲ್ ಮಟ್ಟವನ್ನು ಹೆಚ್ಚಿಸುತ್ತವೆ ಮತ್ತು ಅಪಧಮನಿಗಳನ್ನು ಮುಚ್ಚುತ್ತವೆ. ಪೆಪ್ಪೆರೋನಿ ಮತ್ತು ಸಾಸೇಜ್ನಂತಹ ಸಂಸ್ಕರಿಸಿದ ಮಾಂಸವನ್ನು ತಿನ್ನುವುದರಿಂದ ಹೃದಯ ಕಾಯಿಲೆ ಮತ್ತು ಪಾರ್ಶ್ವವಾಯು ಅಪಾಯ ಹೆಚ್ಚಾಗುತ್ತದೆ. ಅಮೇರಿಕನ್ ಹಾರ್ಟ್ ಅಸೋಸಿಯೇಷನ್ ಇದರ ಬಗ್ಗೆ ಕಳವಳ ವ್ಯಕ್ತಪಡಿಸಿದೆ. ಸ್ಯಾಚುರೇಟೆಡ್ ಕೊಬ್ಬನ್ನು ಕಡಿಮೆ ಮಾಡಲು ಹೇಳುತ್ತದೆ. ಆದರೆ ಯಾರೂ ಕೇಳುವುದಿಲ್ಲ. ಅಮೆರಿಕದಲ್ಲಿಯೂ ಸಹ, ಜನರು ಹೆಚ್ಚು ಪಿಜ್ಜಾ ತಿಂದು ಅನಾರೋಗ್ಯಕ್ಕೆ ಒಳಗಾಗುತ್ತಿದ್ದಾರೆ.
ಪಿಜ್ಜಾದಲ್ಲಿ ಫೈಬರ್ ಅಂಶ ಕಡಿಮೆ ಮತ್ತು ಸಂಸ್ಕರಿಸಿದ ಕಾರ್ಬೋಹೈಡ್ರೇಟ್ಗಳು ಅಧಿಕವಾಗಿದ್ದು, ಇದು ಜೀರ್ಣಕ್ರಿಯೆಗೆ ತೊಂದರೆ ಉಂಟು ಮಾಡುತ್ತದೆ. ಇದು ಮಲಬದ್ಧತೆ, ಅನಿಲ ಮತ್ತು ಹೊಟ್ಟೆ ಉಬ್ಬುವಿಕೆಯಂತಹ ಸಮಸ್ಯೆಗೆ ಕಾರಣವಾಗುತ್ತದೆ. ದೀರ್ಘಾವಧಿಯಲ್ಲಿ, ಇದು ಕರುಳಿನ ಸಮಸ್ಯೆಗಳು ಮತ್ತು ಕೊಲೊನ್ ಕ್ಯಾನ್ಸರ್ಗೂ ಕಾರಣವಾಗಬಹುದು. ಫೈಬರ್ ಕೊರತೆಯು ಜೀರ್ಣಾಂಗ ವ್ಯವಸ್ಥೆಯು ಸರಿಯಾಗಿ ಕಾರ್ಯನಿರ್ವಹಿಸಲು ವಿಫಲವಾಗಬಹುದು.
ಪಿಜ್ಜಾ ತಿಂದ ನಂತರ, ರಕ್ತದಲ್ಲಿನ ಸಕ್ಕರೆ ಮಟ್ಟವು ಇದ್ದಕ್ಕಿದ್ದಂತೆ ಏರುತ್ತದೆ ಮತ್ತು ಇಳಿಯುತ್ತದೆ. ಇದು ಇನ್ಸುಲಿನ್ ಪ್ರತಿರೋಧಕ್ಕೆ ಕಾರಣವಾಗುತ್ತದೆ ಮತ್ತು ಟೈಪ್ -2 ಮಧುಮೇಹದ ಅಪಾಯವನ್ನು ಹೆಚ್ಚಿಸುತ್ತದೆ. ಮಧುಮೇಹ ಇರುವವರು ಬಹಳ ಜಾಗರೂಕರಾಗಿರಬೇಕು.
ಸಂಸ್ಕರಿಸಿದ ಮಾಂಸದೊಂದಿಗೆ ಪಿಜ್ಜಾಗಳನ್ನು ಆಗಾಗ್ಗೆ ತಿನ್ನುವುದರಿಂದ ಕ್ಯಾನ್ಸರ್ ಅಪಾಯ ಹೆಚ್ಚಾಗುತ್ತದೆ. ವಿಶ್ವ ಆರೋಗ್ಯ ಸಂಸ್ಥೆ (WHO) ಪ್ರಕಾರ ಪೆಪ್ಪೆರೋನಿ ಮತ್ತು ಸಾಸೇಜ್ ಕ್ಯಾನ್ಸರ್ ಕಾರಕಗಳಾಗಿವೆ. ಇವು ಕೊಲೊನ್ ಕ್ಯಾನ್ಸರ್ ಮತ್ತು ಹೊಟ್ಟೆಯ ಕ್ಯಾನ್ಸರ್ಗೆ ಕಾರಣವಾಗಬಹುದು. ಆರೋಗ್ಯಕರ ಟಾಪಿಂಗ್ಗಳನ್ನು ಆಯ್ಕೆ ಮಾಡುವುದು ಉತ್ತಮ. ಅಗತ್ಯವಿದ್ದರೆ, ತರಕಾರಿ ಪಿಜ್ಜಾ ತಿನ್ನುವುದು ಉತ್ತಮ. ರಾಗಿ ಪಿಜ್ಜಾ ಆಗಿದ್ದರೆ ಇನ್ನೂ ಉತ್ತಮ.
ಪಿಜ್ಜಾದಲ್ಲಿ ಹೆಚ್ಚಿನ ಟೊಮೆಟೊ, ಈರುಳ್ಳಿ ಮತ್ತು ಇತರ ತರಕಾರಿಗಳು ಮತ್ತು ಸೊಪ್ಪುಗಳು ಹಸಿಯಾಗಿರುತ್ತವೆ. ನೀವು ಅವುಗಳನ್ನು ಹಾಗೆಯೇ ತಿಂದರೆ, ಅವುಗಳಲ್ಲಿರುವ ಅನಿಲವು ನಿಮ್ಮ ಹೊಟ್ಟೆಯನ್ನು ಬಲೂನಿನಂತೆ ಊದಿಕೊಳ್ಳಲು ಕಾರಣವಾಗುತ್ತದೆ. ಮತ್ತು ಎದೆ ನೋವನ್ನು ಉಂಟುಮಾಡಬಹುದು.
ಅದಕ್ಕಾಗಿಯೇ ಪಿಜ್ಜಾವನ್ನು ಒಮ್ಮೆ ತಿನ್ನುವುದು ಸರಿ, ಸಮತೋಲಿತ ಆಹಾರ ಸೇವಿಸುವ ಮೂಲಕ ಮಾತ್ರ ನೀವು ನಿಮ್ಮ ಆರೋಗ್ಯ ಕಾಪಾಡಿಕೊಳ್ಳಬಹುದು. ತಜ್ಞರ ಸಲಹೆ ಪ್ರಕಾರ, ವಾರಕ್ಕೊಮ್ಮೆ ಮಾತ್ರ ಪಿಜ್ಜಾ ಸೇವಿಸಿ. ನಿಮ್ಮ ವೈಯಕ್ತಿಕ ವೈದ್ಯರ ಸಲಹೆಯನ್ನು ಅನುಸರಿಸಿ.
