ಮದುವೆಯಾದ ಹಲವು ವರ್ಷಗಳ ಬಳಿಕವೂ ದಾಂಪತ್ಯ ಜೀವನ ಸುಗಮವಾಗಿರಬಹುದು ಎಂಬ ನಂಬಿಕೆಗೆ ಈ ಘಟನೆ ದೊಡ್ಡ ಶಾಕ್ ನೀಡಿದೆ. ಸುಮಾರು 30 ವರ್ಷಗಳಿಂದ ಒಟ್ಟಿಗೆ ಬದುಕುತ್ತಿದ್ದ ಮಹಿಳೆಯೊಬ್ಬರು, ಪತಿಯ ಅಸಹಜ ಹಾಗೂ ಅಸಹ್ಯಕರ ನಡವಳಿಕೆ ಬಗ್ಗೆ ತಿಳಿದ ನಂತರ ವಿಚ್ಛೇದನದ ದಾರಿಯನ್ನು ಹಿಡಿದಿದ್ದಾರೆ. ಪತಿಯ ಒಂದು ರಹಸ್ಯ ಅಭ್ಯಾಸವೇ ಈ ದೀರ್ಘಕಾಲದ ಸಂಬಂಧ ಮುರಿಯಲು ಕಾರಣವಾಗಿದೆ.
ಇತ್ತೀಚಿನ ದಿನಗಳಲ್ಲಿ ವಿಚ್ಛೇದನ ಪ್ರಕರಣಗಳು ಹೆಚ್ಚಾಗುತ್ತಿವೆ. ಸಾಮಾನ್ಯವಾಗಿ ಮದುವೆಯ ಮೊದಲ ಕೆಲವು ವರ್ಷಗಳಲ್ಲಿ ಸಂಬಂಧ ಮುರಿಯುವ ಘಟನೆಗಳು ಹೆಚ್ಚು ಕಾಣಿಸುತ್ತವೆ. ಆದರೆ ಇಲ್ಲಿ ದಶಕಗಳ ಕಾಲ ಸುಖವಾಗಿದ್ದ ದಾಂಪತ್ಯ ಜೀವನ, ಒಂದು ಅಪ್ರತ್ಯಾಶಿತ ಸತ್ಯ ಹೊರಬಿದ್ದ ಬಳಿಕ ಕ್ಷಣಾರ್ಧದಲ್ಲಿ ಕುಸಿದುಬಿದ್ದಿದೆ.
ನಂಬಲಾಗದ ಸತ್ಯ ಬೆಳಕಿಗೆ
ವರದಿಗಳ ಪ್ರಕಾರ, ಆ ಮಹಿಳೆಗೆ ತನ್ನ ಗಂಡನಿಗೆ ಮಹಿಳೆಯರ ಒಳ ಉಡುಪುಗಳ ಬಗ್ಗೆ ಅತಿಯಾದ ಆಸಕ್ತಿ ಇದೆ ಎಂಬುದು ಗೊತ್ತಿತ್ತು. ಆದರೆ ಆ ಆಸಕ್ತಿ ಇಷ್ಟು ಗಂಭೀರ ಮತ್ತು ಅಸಹ್ಯಕರ ರೂಪ ತಾಳಿರುತ್ತದೆ ಎಂದು ಆಕೆ ಕನಸಲ್ಲೂ ಊಹಿಸಿರಲಿಲ್ಲ. ಪತಿ ಅಪರಿಚಿತ ಮಹಿಳೆಯರಿಂದ ಅಲ್ಲ, ತನ್ನದೇ ಕುಟುಂಬ ಸದಸ್ಯರು, ಆಪ್ತರು ಮತ್ತು ಸ್ನೇಹಿತರು ಬಳಸಿದ ಒಳ ಉಡುಪುಗಳನ್ನು ರಹಸ್ಯವಾಗಿ ಕದಿಯುತ್ತಿದ್ದಾನೆ ಎಂಬುದು ತಿಳಿದಾಗ ಆಕೆ ಸಂಪೂರ್ಣವಾಗಿ ಬೆಚ್ಚಿಬಿದ್ದಳು.
ಈ ಸಂಗತಿ ಸುಮಾರು 30 ವರ್ಷಗಳ ಸಂಸಾರ ನಡೆಸಿದ ಬಳಿಕ ಬೆಳಕಿಗೆ ಬಂದಿತ್ತು. ಸತ್ಯ ತಿಳಿದ ಕ್ಷಣದಲ್ಲೇ ಆಕೆ ಮಾನಸಿಕವಾಗಿ ಕುಸಿದುಬಿದ್ದಳು. ತಕ್ಷಣ ಪತಿಯನ್ನು ಎದುರುಮಾಡಿ ಪ್ರಶ್ನಿಸಿದಾಗ, ಆರಂಭದಲ್ಲಿ ತಪ್ಪಿಸಿಕೊಳ್ಳಲು ಯತ್ನಿಸಿದ ಅವನು, ನಂತರ ತನ್ನ ತಪ್ಪನ್ನು ಒಪ್ಪಿಕೊಂಡನು.
“ಇದು ಕೇವಲ ಅಭ್ಯಾಸವಲ್ಲ, ಭಾರೀ ದ್ರೋಹ”
ಪತ್ನಿಯ ಪ್ರಕಾರ, ಇದು ಕೇವಲ ವಿಚಿತ್ರ ಹವ್ಯಾಸವಲ್ಲ; ತನ್ನ ಭಾವನೆಗಳು ಮತ್ತು ನಂಬಿಕೆಗೆ ಮಾಡಿದ ದೊಡ್ಡ ದ್ರೋಹ. ಪತಿ ಈ ರೀತಿಯಲ್ಲಿ ಕುಟುಂಬದವರ ಹಾಗೂ ಸ್ನೇಹಿತರ ಗೌಪ್ಯತೆಯನ್ನು ಉಲ್ಲಂಘಿಸಿರುವುದು ಆಕೆಗೆ ಸಹಿಸಿಕೊಳ್ಳಲಾಗದ ವಿಷಯವಾಗಿತ್ತು. “ಈ ಘಟನೆ ನಮ್ಮ ವೈವಾಹಿಕ ಬಂಧವನ್ನು ಸಂಪೂರ್ಣವಾಗಿ ನಾಶಮಾಡಿದೆ. ನಮ್ಮ ನಡುವೆ ಇದ್ದ ಗೌರವ ಮತ್ತೆ ಎಂದಿಗೂ ಹಿಂದಿನಂತಾಗಲು ಸಾಧ್ಯವಿಲ್ಲ” ಎಂದು ಆಕೆ ನೋವಿನಿಂದ ಹೇಳಿಕೊಂಡಿದ್ದಾಳೆ.
ಈ ಘಟನೆ ಕುರಿತು ಕೌನ್ಸೆಲಿಂಗ್ ವೆಬ್ಸೈಟ್ನಲ್ಲಿ ಹಂಚಿಕೊಳ್ಳಲಾಗಿದ್ದು, ಮಹಿಳೆ ತನ್ನ ಪತಿಯ ನಡವಳಿಕೆಯನ್ನು ಸಂಪೂರ್ಣವಾಗಿ ತಿರಸ್ಕರಿಸುತ್ತಿರುವುದಾಗಿ ವಿವರಿಸಿದ್ದಾಳೆ.
ತಜ್ಞರಿಗೂ ಅಚ್ಚರಿ
ಈ ಪ್ರಕರಣವನ್ನು ಕೇಳಿದ ಕೌನ್ಸಿಲಿಂಗ್ ತಜ್ಞರು ಕೂಡ ಅಚ್ಚರಿಗೊಂಡಿದ್ದಾರೆ. ಅವರು ಇದನ್ನು ಗಂಭೀರ ಮಾನಸಿಕ ಹಾಗೂ ನೈತಿಕ ಸಮಸ್ಯೆ ಎಂದು ವರ್ಣಿಸಿದ್ದಾರೆ. ಇಂತಹ ನಡವಳಿಕೆ ಅನೈತಿಕವಾಗಿದ್ದು, ಸಂಬಂಧಿಸಿದ ಮಹಿಳೆಯರ ಸುರಕ್ಷತೆ ಮತ್ತು ಗೌಪ್ಯತೆಯ ಮೇಲೆಯೂ ಧಕ್ಕೆ ತರುತ್ತದೆ ಎಂದು ಅವರು ಎಚ್ಚರಿಸಿದ್ದಾರೆ.
ಸದ್ಯ ಈ ಮಹಿಳೆ ತೀವ್ರ ಮಾನಸಿಕ ಒತ್ತಡ ಅನುಭವಿಸುತ್ತಿದ್ದು, ಸಮಾಜದಲ್ಲಿ ಸ್ನೇಹಿತರನ್ನು ಎದುರಿಸುವುದಕ್ಕೂ ನಾಚಿಕೆಪಡುವ ಸ್ಥಿತಿಗೆ ತಲುಪಿದ್ದಾಳೆ. ದೀರ್ಘಕಾಲದ ದಾಂಪತ್ಯಕ್ಕೂ ಒಂದು ಗುಟ್ಟು ಹೇಗೆ ಅಂತ್ಯ ತರುತ್ತದೆ ಎಂಬುದಕ್ಕೆ ಈ ಘಟನೆ ಕಠಿಣ ಉದಾಹರಣೆಯಾಗಿದೆ.