ಮಂಡ್ಯದಲ್ಲಿ ತಾಯಿ-ಮಗನ ಬಲಿ ಪಡೆದ ಮೈಕ್ರೋ ಫೈನಾನ್ಸ್

ಮಂಡ್ಯ:ಮೂರು ದಿನದ ಹಿಂದಷ್ಟೇ ತಾಯಿಯನ್ನು ಬಲಿಪಡೆದಿದ್ದ ಮೈಕ್ರೋ ಫೈನಾನ್ಸ್ ಸಾಲದ ಕಿರುಕುಳ ಇದೀಗ ಮಗನನ್ನು ಬಲಿ ಪಡೆದುಕೊಂಡಿದೆ.

ಮೈಕ್ರೋ ಫೈನಾನ್ಸ್ ಕಿರುಕುಳಕ್ಕೆ ಬೆದರಿದ್ದ ತಾಯಿ ಪ್ರೇಮಾ ಎಂಬುವವರು ವಾರದ ಹಿಂದೆ ಕಳೆನಾಶಕ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದರು. ಆಕೆಗೆ ಮಂಡ್ಯದ ವೈದ್ಯಕೀಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡುತ್ತಿದ್ದಾರೂ ಆಕೆ ಚಿಕಿತ್ಸೆ ಫಲಕಾರಿಯಾದೆ ಮೃತಪಟ್ಟಿದ್ದರು.

ತಾಯಿ ಮೃತಪಟ್ಟು ಆಕೆಯ ಶವಸಂಸ್ಕಾರ ನಡೆಸಿ ಎರಡೇ ದಿನದಲ್ಲಿ ತಾಯಿಯ ಆತ್ಮಹತ್ಯೆಯಿಂದ ಮನನೊಂದು ಆಕೆಯ ಪುತ್ರ ರಂಜಿತ್ ಎಂಬಾತನೂ ಕೂಡ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಫೈನಾನ್ಸ್ ಕಿರುಕುಳದಿಂದ ತಾಯಿ ಸತ್ತಿದ್ದು, ಮತ್ತು ಫೈನಾನ್ಸ್ ಸಿಬ್ಬಂದಿ ನೀಡಿದ ಕಿರುಕುಳದ ಅವಮಾನ ಆತನನ್ನು ಆತ್ಮಹತ್ಯೆ ಮಾಡಿಕೊಳ್ಳುವಂತೆ ಮಾಡಿದೆ ಎಂದು ಸಂಬAಧಿಕರು ದೂರಿದ್ದಾರೆ.

ರಂಜಿತ್ ತಮ್ಮ ಗ್ರಾಮದ ಕೆರೆಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದು, ಆತನ ಶವವನ್ನು ನೀರಿನಿಂದ ಮೇಲಕ್ಕೆ ತೆಗೆದ ಪೊಲೀಸರು ಮತ್ತು ಅಗ್ನಿಶಾಮಕ ಸಿಬ್ಬಂದಿ ಮರಣೋತ್ತರ ಪರೀಕ್ಷೆ ನಡೆಸಿ ಶವವನ್ನು ಸಂಬAಧಿಕರಿಗೆ ಒಪ್ಪಿಸಿದ್ದಾರೆ. ಪ್ರಕರಣ ದಾಖಲಿಸಿಕೊಂಡು ವಿಚಾರಣೆ ನಡೆಸುತ್ತಿದ್ದಾರೆ.