ರಾಜಕೀಯ ಸುದ್ದಿ

ಸತ್ತವರ ಡೇಟಾ ಸಿಗುದಂತೆ ಮಾಡುವುದೇ ಬಿಜೆಪಿ ಸಾಧನೆ: ಸಂತೋಷ್ ಲಾಡ್

Share It

ಬೆಂಗಳೂರು: ಕರೋನಾದಲ್ಲಿ, ಆತ್ಮಹತ್ಯೆ ಮಾಡಿಕೊಂಡ ರೈತರ ಸಾವಿನ ಲೆಕ್ಕ ಸಿಗದಂತೆ ಮಾಡುವುದೇ ಬಿಜೆಪಿ ಮತ್ತು ನರೇಂದ್ರ ಮೋದಿ ಅವರ ಸಾಧನೆ ಎಂದು ಕಾರ್ಮಿಕ ಸಚಿವ ಸಂತೋಷ್ ಲಾಡ್ ತಿಳಿಸಿದ್ದಾರೆ.

ಬಜೆಟ್‌ನ ಘೋಷಣೆಗಳನ್ನು ಟೀಕೆ ಮಾಡಿದ ಅವರು, ರೈತರ ಆದಾಯದ ದ್ವಿಗುಣ ಮಾಡುತ್ತೇವೆ ಎಂದ ನರೇಂದ್ರ ಮೋದಿ ಅವರು ಬಜೆಟ್‌ನಲ್ಲಿ ರೈತರಿಗೆ ಏನು ಕೊಟ್ಟಿದ್ದಾರೆ? ೧.೫ ಲಕ್ಷ ರೈತರು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಹೋಗಲಿ ಆ ಡೇಟಾ ಇಟ್ಟಿದ್ದಾರಾ? ಎಂದು ಪ್ರಶ್ನೆ ಮಾಡಿದರು.

ಸತ್ತವರ ಡೇಟಾ ಸಿಗದಂತೆ ಮಾಡುವುದೇ ಬಿಜೆಪಿಯ ಸಾಧನೆ. ಬಿಜೆಪಿ ಹಿಂದುತ್ವ ಬಿಟ್ಟು ಬೇರೇನೂ ಮಾತಾಡ್ತಾರೆ. ಹಿಂದೂಪರ ಎಂದು ಹೇಳಿ ಹಿಂದೂಗಳ ಮತ ಪಡೆಯುತ್ತಾರೆ. ಬಜೆಟ್‌ನಲ್ಲಿ ಹಿಂದೂಗಳಿಗೆ ಏನ್ ಕೊಟ್ಟಿದ್ದಾರೆ ಎಂದು ಪ್ರಶ್ನೆ ಮಾಡಿದ್ದಾರೆ.

ಮಹಿಳಾ ಸಬಲೀಕರಣಕ್ಕೆ ದೊಡ್ಡ ಹೆಜ್ಜೆ ಎಂದು ಶೋ ತೆಗೆದುಕೊಂಡಿದ್ದರು. ಈಗ ಬಜೆಟ್‌ನಲ್ಲಿ ಮಹಿಳೆಯರಿಗೆ ಏನ್ ಕೊಟ್ಟಿದ್ದಾರೆ. ಸ್ಕಿಲ್ ಇಂಡಿಯಾ, ಸ್ಟಾರ್ಟ್ ಅಪ್ ಇಂಡಿಯಾ, ಸ್ಟಾಂಡ್ ಅಪ್ ಇಂಡಿಯಾ ಎಲ್ಲವೂ ಘೋಷಣೆಯಾಗಿಯೇ ಉಳಿದಿವೆ ಎಂದು ವ್ಯಂಗ್ಯವಾಡಿದರು.


Share It

You cannot copy content of this page