ಬೆಂಗಳೂರು: ಚೀನಾದಿಂದ ಎಚ್‌ಎಂಪಿವಿ ವೈರಸ್ ಹರಡುವ ಭೀತಿಯ ನಡುವೆಯೇ ದೇಶದಲ್ಲಿ ಹಕ್ಕಿಜ್ವರದ ಭೀತಿ ಶುರುವಾಗಿದ್ದು, ಛತ್ತೀಸ್‌ಘಡದಲ್ಲಿ 17 ಸಾವಿರ ಕೋಳಿಗಳಲ್ಲಿ ವೈರಸ್ ಕಾಣಿಸಿಕೊಂಡಿದೆ.
ಛತ್ತೀಸ್‌ಘಡ ರಾಜ್ಯದ ರಾಯಘಡದ ಸರಕಾರಿ ಕೋಳಿ ಫಾರಂನಲ್ಲಿ ಏವಿಯನ್ ಇನ್ಫು÷್ಲಯೆಂಜಾ ಎಂಬ ಹೆಸರಿನ ಹಕ್ಕಿಜ್ವರವು ಕಾಣಿಸಿಕೊಂಡಿದ್ದು, ಮುಂಜಾಗ್ರತಾ ಕ್ರಮವಾಗಿ 17 ಸಾವಿರ ಕೋಳಿಗಳನ್ನು ನಾಶಪಡಿಸಲಾಗಿದೆ. ಹಕ್ಕಿಜ್ವರ ಪತ್ತೆಯಾದ ಸುತ್ತಮುತ್ತಲಿನ ಸುಮಾರು 10 ಕಿಮೀ ವ್ಯಾಪ್ತಿಯಲ್ಲಿ ಕಣ್ಗಾವಲು ಹೆಚ್ಚಿಸಲಾಗಿದೆ.
ಚಕ್ರಧರ್ ನಗರದ ಕೋಳಿ ಫಾರಂನಲ್ಲಿಯೂ ಇಂತಹದ್ದೆ ಲಕ್ಷಣಗಳಿಂದ ಕೋಳಿಗಳು ಸತ್ತ ಹಿನ್ನೆಲೆಯಲ್ಲಿ ಮಾದರಿಯನ್ನು ಸಂಗ್ರಹಿಸಿ, ಭೋಪಾಲ್‌ನ ನ್ಯಾಷನಲ್ ಇನ್ಸಿಟ್ಯೂಟ್ ಆಫ್ ಹೈ ಸೆಕ್ಯುರಿಟಿ ಅನಿಮಲ್ ಡಿಸೀಸ್‌ಗೆ ಪರೀಕ್ಷೆಗಾಗಿ ಕಳುಹಿಸಿಕೊಡಲಾಗಿದೆ.
H5N1 ಪತ್ತೆಯಾಗಿರುವ ಹಿನ್ನೆಲೆಯಲ್ಲಿ ರಾಯಘಡ ಜಿಲ್ಲಾಡಳಿತ ಮುಂಜಾಗ್ರತಾ ಕ್ರಮಗಳನ್ನು ತೆಗೆದುಕೊಂಡಿದ್ದು, ಜಿಲ್ಲಾಧಿಕಾರಿಗಳ ನೇತೃತ್ವದಲ್ಲಿ ರಚನೆಯಾದ ತುರ್ತು ಕಾರ್ಯಾಚರಣೆ ತಂಡವು, ಸ್ಥಳೀಯ ಆಡಳಿತ ಪಶುವೈದ್ಯಕೀಯ ಹಾಗೂ ಆರೋಗ್ಯ ಇಲಾಖೆಗಳ ಸಹಭಾಗಿತ್ವದಲ್ಲಿ ಮುಂಜಾಗ್ರತಾ ಕ್ರಮಗಳನ್ನು ತೆಗೆದುಕೊಳ್ಳಲಾಗಿದೆ.
ಸುತ್ತಲಿನ ಒಂದು ಕಿ.ಮೀ ವ್ಯಾಪ್ತಿಯನ್ನು ಸೋಂಖಿತ ಪ್ರದೇಶ ಎಂದು ಗುರುತಿಸಿದ್ದು, 10 ಕಿ.ಮೀ ವ್ಯಾಪ್ತಿಯಲ್ಲಿ ಮುಂಜಾಗ್ರತಾ ಕ್ರಮವಾಗಿ ಕಣ್ಗಾವಲು ಇರಿಸಲಾಗಿದೆ. ಸುತ್ತಲಿನ ಕೋಳಿ ಫಾರಂಗಳು ಮತ್ತು ಮಾರಾಟ ಮಳಿಗೆಗಳನ್ನು ಬಂದ್ ಮಾಡಿಸಲಾಗಿದೆ.
ಹಕ್ಕಿಜ್ವರ ಈವರೆಗೆ ಮನುಷ್ಯರಲ್ಲಿ ಕಂಡುಬAದಿಲ್ಲ. ಪ್ರಾಥಮಿಕ ಹಂತದಲ್ಲಿ ಹಕ್ಕಿಜ್ವರ ಕೋಳಿಗಳು ಮತ್ತು ಪಕ್ಷಿಗಳಲ್ಲಿ ಕಂಡುಬರುತ್ತದೆ. ನಂತರವಷ್ಟೇ ಮನುಷ್ಯರಲ್ಲಿ ಹರಡುತ್ತದೆ. ಹೀಗಾಗಿ, ಮುಂಜಾಗ್ರತಾ ಕ್ರಮವಾಗಿ ಹಕ್ಕಿಗಳು ಮತ್ತು ಕೋಳಿಗಳನ್ನು ನಾಶಪಡಿಸಲಾಗಿದೆ. ಹರಡದಂತೆ ತಡೆಯುವ ಮುಂಜಾಗ್ರತಾ ಕ್ರಮಗಳನ್ನು ತೆಗೆದುಕೊಳ್ಳಲಾಗಿದೆ ಎಂದು ವೈದ್ಯಾಧಿಕಾರಿಗಳು ತಿಳಿಸಿದ್ದಾರೆ.
ಸಾಮಾನ್ಯಕ್ಕಿಂತ ವಿಪರೀತವಾದ ಜ್ವರ, ಮೂಗು ಸೋರುವಿಕೆ, ಕಣ್ಣು ಕೆಂಪಾಗುವುದು, ವಿಪರೀತ ತಲೆ ನೋವಿನಂತಹ ಲಕ್ಷಣಗಳು ಕಂಡುಬAದಲ್ಲಿ ತಕ್ಷಣವೇ ಹತ್ತಿರದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುವುದು ಮತ್ತು ಪರೀಕ್ಷೆ ನಡೆಸುವಂತೆ ಸಾರ್ವಜನಿಕರಿಗೆ ಮನವಿ ಮಾಡಿಕೊಳ್ಳಲಾಗಿದೆ.
ಒಟ್ಟಾರೆ, ವೈರಸ್‌ಗಳ ಭಾದೆಯಿಂದ ಆಗಾಗ ಜನ ಹೈರಾಣಾಗುತ್ತಿದ್ದು, ಇದೀಗ ಹಕ್ಕಿಜ್ವರ ಮತ್ತೊಮ್ಮೆ ದೇಶದಲ್ಲಿ ಭೀತಿಯನ್ನು ಹೆಚ್ಚಿಸಿದೆ. ಹಕ್ಕಿ ಜ್ವರ ವ್ಯಾಪಕವಾಗಿ ಹರಡುವುದನ್ನು ತಡೆಯಲು ತೆಗೆದುಕೊಳ್ಳಬೇಕಾದ ಕ್ರಮಗಳನ್ನು ತೆಗೆದುಕೊಂಡಿರುವ ಛತ್ತೀಸ್‌ಘಡ ಸರಕಾರ, ಮುಂಜಾಗ್ರತೆ ವಹಿಸಿದೆ ಎಂದು ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ..