ಬೆಂಗಳೂರಿನಲ್ಲಿ ಎರಡು ತಿಂಗಳ ಬಿರು ಬಿಸಿಲಿನ ಝಳದಿಂದ ಬಸವಳಿದಿದ್ದ ಜನರಿಗೆ ಇಂದು ಶನಿವಾರ ರಿಲೀಫ್ ಸಿಕ್ಕಿತ್ತು. ನಗರದ ಹೆಬ್ಬಾಳ, ಯಲಹಂಕ, ಸಂಜಯನಗರ, ಭೂಪಸಂದ್ರ, ಮೇಕ್ರಿ ವೃತ್ತ, ಆರ್.ಟಿ.ನಗರ ಮುಂತಾದೆಡೆ ಬೇಸಿಗೆ ಮಳೆ ಜೋರಾಗಿ ಸುರಿಯಿತು.
ಬೇಸಿಗೆ ಮಳೆಗೆ ಮೊದಲ ಬಲಿ!
ಹೌದು, ಈ ಬಾರಿಯ ಬೇಸಿಗೆ ಮಳೆಯ ಆರ್ಭಟಕ್ಕೆ ಕೆಲವು ಹಳೆಯ ಮರಗಳು ಧರೆಗುರುಳಿವೆ. ಇದೇ ರೀತಿ ನಗರದ ಡಿ.ಜೆ ಹಳ್ಳಿಯಲ್ಲಿ ಬೈಕ್ ಮೇಲೆ ಮರ ಬಿದ್ದು 3 ವರ್ಷದ ರಕ್ಷಾ ಎಂಬ ಹೆಣ್ಣುಮಗು ಸಾವನ್ನಪ್ಪಿದ ದುರಂತ ನಡೆದಿದೆ.
ಮಗಳು ರಕ್ಷಾ ಜೊತೆಗೆ ಬೈಕಿನಲ್ಲಿ ತೆರಳುತ್ತಿದ್ದ ತಂದೆಗೆ ದಾರಿಹೋಕರು ಬೇಡ ಸಾರ್ ಸ್ವಲ್ಪ ನಿಂತು ಮಳೆ ಹೋದಾಗ ಹೋಗಿ ಎಂದು ಸಲಹೆ ನೀಡಿದ್ದಾರೆ. ಆದರೆ ಅದನ್ನು ಲೆಕ್ಕಿಸದೇ ಮಗಳು ರಕ್ಷಾಳನ್ನು ಕೂರಿಸಿಕೊಂಡು ತಂದೆ ಸರ್ರನೇ ಮಳೆಯನ್ನೇ ಲೆಕ್ಕಿಸದೇ ಹೊರಟಿದ್ದಾರೆ.
ಆಗ ಮಾರ್ಗದಲ್ಲಿ ಬೇರು ಕಿತ್ತ ಹಳೆಯ ಮರವೊಂದು ದಿಢೀರ್ ಬೈಕಿನ ಮೇಲೆ ಬಿದ್ದಿದೆ. ಮರ ಬಿದ್ದ ರಭಸಕ್ಕೆ ರಕ್ಷಾ ತಲೆ ಬುರುಡೆ ಓಪನ್ ಆಗಿದೆ. ತಕ್ಷಣವೇ ಬೈಕಿನಲ್ಲಿ ತಂದೆ ಬೌಲಿಂಗ್ ಆಸ್ಪತ್ರೆಗೆ ಒಯ್ದಿದ್ದಾರೆ. ಆದರೆ ಬೌರಿಂಗ್ ಆಸ್ಪತ್ರೆಯಲ್ಲಿ ರಕ್ಷಾ ಚಿಕಿತ್ಸೆಗೆ ಸ್ಪಂದಿಸದೆ ಸಾವನ್ನಪ್ಪಿದ್ದಾಳೆ. ಇದರಿಂದ ಬೌರಿಂಗ್ ಆಸ್ಪತ್ರೆಗೆ ಬಂದ ಮೃತಪಟ್ಟ ರಕ್ಷಾ ಕುಟುಂಬಸ್ಥರು ರೋಧಿಸಿದರು.
ಆದಾಗ್ಯೂ ಬೆಂಗಳೂರಿನಲ್ಲಿ ಶನಿವಾರ ಸುರಿದ ಬೇಸಿಗೆ ಜೋರು ಮಳೆಗೆ ಸಾಕಷ್ಟು ಮರಗಳು ಧರೆಗುರುಳಿದ ಬಗ್ಗೆ ವರದಿಯಾಗಿದೆ.