ಬೆಂಗಳೂರು: ದೇಶದ ಪ್ರತಿಷ್ಠಿತ ಸಾರಿಗೆ ಸಂಸ್ಥೆಯಾದ ಕೆಎಸ್ಆರ್ಟಿಸಿಗೆ ಕೆಎಸ್ಆರ್ಟಿಸಿಗೆ ರಾಷ್ಟ್ರೀಯ ಎಚ್ಆರ್ ವರ್ಲ್ಡ್ ಎಂಪ್ಲಾಯಿಸ್ ಎಕ್ಸಪೀರಿಯನ್ಸ್ ಅವಾರ್ಡ್ ಲಭಿಸಿದೆ.
ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮವು ಕೈಗೊಂಡಿರುವ ಅತ್ಯುತ್ತಮ ಮಾನವ ಸಂಪನ್ಮೂಲ ಉಪಕ್ರಮಗಳಿಗಾಗಿ ಇಟಿ ಎಚ್ಆರ್ ವರ್ಲ್ಡ್ ಎಂಪ್ಲಾಯಿಸ್ ಎಕ್ಸ್ಫೀರಿಯನ್ಸ್ ಪ್ರಶಸ್ತಿ 2025ರ ಅತ್ಯುತ್ತಮ ನೌಕರ ಅನುಭವ ಸಾರ್ವಜನಿಕ ವಲಯ ಸಂಸ್ಥೆಗಳು ವರ್ಗದಲ್ಲಿ ಪುರಸ್ಕಾರ ದೊರಕಿದೆ.
ಈ ಪ್ರಶಸ್ತಿಯನ್ನು ಶೇರಟನ್ ಗ್ರಾಂಡ್ ಹೋಟೆಲ್, ಬೆಂಗಳೂರು ಇಲ್ಲಿ 2025ರ ಜುಲೈ 11ರಂದು ನಡೆದ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ನೀಡಲಾಯಿತು. ಈ ಪ್ರಶಸ್ತಿಯನ್ನು ನಿಗಮದ ಪರವಾಗಿ ಅಶ್ರಫ್ ಕೆ ಎಂ, ಮುಖ್ಯ ಸಿಬ್ಬಂದಿ ವ್ಯವಸ್ಥಾಪಕರು ಸ್ವೀಕರಿಸಿದರು.
