ಬೆಂಗಳೂರು: ದುಬೈ ಏರ್ ಶೋ ನಲ್ಲಿ ಭಾರತದ ಯುದ್ಧ ವಿಮಾನವೊಂದು ಪತನವಾಗಿರುವ ಘಟನೆ ನಡೆದಿದೆ.
ದುಬೈ ಏರ್ ಶೋ ನಲ್ಲಿ ಭಾರತ ವಾಯುಸೇನೆಯ ಮೂರು ತೇಜಸ್ ವಿಮಾನಗಳು ಭಾಗವಹಿಸಿದ್ದವು. ಆಗಸದಲ್ಲಿ ಕಸರತ್ತು ನಡೆಸುವ ವೇಳೆ ಒಂದು ತೇಜಸ್ ವಿಮಾನ ನೆಲಕ್ಕುರುಳಿದಿದೆ. ಏರ್ ಶೋ ವೀಕ್ಷಣೆ ಮಾಡುತ್ತಿದ್ದವರ ಮೊಬೈಲ್ ನಲ್ಲಿ ಈ ವಿಡಿಯೋ ಸೆರೆಯಾಗಿದೆ.
ವಿಮಾನ ಪತನದ ವೇಳೆ ಪೈಲಟ್ ಮೃತಪಟ್ಟಿರುವುದನ್ನು ಭಾರತೀಯ ವಾಯುಸೇನೆ ದೃಢಪಡಿಸಿದೆ. ತಾಂತ್ರಿಕ ದೋಷದಿಂದ ವಿಮಾನ ಪತನವಾಗಿದೆ ಎಂದು ಹೇಳಲಾಗಿದ್ದು, ತೇಜಸ್ ವಿಮಾನ ಎಚ್.ಎ.ಎಲ್ ನಿರ್ಮಿತ ಯುದ್ಧ ವಿಮಾನವಾಗಿದೆ.