ಕ್ರೀಡೆ ಸುದ್ದಿ

ಅಂಡರ್ 19 ವನಿತೆಯರಿಂದ ವಿಶ್ವ ದಾಖಲೆ: 17 ಎಸೆತಗಳಲ್ಲಿ ಪಂದ್ಯ ಮುಕ್ತಾಯ

Share It

ಕೌಲಾಲಂಪುರ: ಭಾರತದ ಅಂಡರ್ 19 ವಿಶ್ವ ಕಪ್ ನ ಪಂದ್ಯದಲ್ಲಿ ಮಹಿಳಾ ತಂಡವು ಹೊಸ ದಾಖಲೆಯನ್ನು ಬರೆದಿದೆ. ಕೇವಲ 17 ಎಸೆತಗಳಲ್ಲಿ ಪಂದ್ಯವನ್ನು ಗೆದ್ದು ಬೀಗಿದೆ.

ಹೌದು ಭಾರತೀಯ ಅಂಡರ್ 19 ಮಹಿಳಾ ತಂಡವು ಈ ಭಾರಿಯ ವಿಶ್ವ ಕಪ್ ಗೆಲ್ಲುವ ಕನಸನ್ನು ನನಸು ಮಾಡಿಕೊಳ್ಳುವತ್ತ ಹೆಜ್ಜೆ ಇಡುತ್ತಿದೆ. ಲಂಕಾ ಮೇಲೆ ಇರುವ ಪಂದ್ಯವನ್ನು ಗೆದ್ದರೆ ಸೂಪರ್ 6 ಗೆ ಅರ್ಹತೆಯನ್ನು ಪಡೆಯುತ್ತದೆ.

ಮಲೇಷಿಯಾ ತಂಡವು 31 ರನ್ ಗಳಿಗೆ ಆಲೌಟ್ ಆಗುವ ಮೂಲಕ ಭಾರತಕ್ಕೆ ಅಲ್ಪ ಮೊತ್ತದ ಟಾರ್ಗೆಟ್ ನೀಡಿತು. ಭಾರತೀಯ ವನಿತೆಯರ ಕೇವಲ 17 ಎಸೆತಗಳಲ್ಲಿ 31 ರನ್ ಬಾರಿಸುವ ಮೂಲಕ ಅಂಕ ಪಟ್ಟಿಯಲ್ಲಿ ಅಗ್ರ ಶ್ರೇಣಿಗೆ ಏರಿದ್ದಾರೆ.

ಮಲೇಷಿಯಾ ತಂಡಕ್ಕೆ ಉತ್ತಮ ಆರಂಭ ಸಿಗಲಿಲ್ಲ. ಯಾರೊಬ್ಬ ಬ್ಯಾಟರ್ ಕೂಡ ಕ್ರಿಸ್ ಕಚ್ಚಿ ನಿಲ್ಲಲಿಲ್ಲ. ಕೇವಲ 14.3 ಓವರ್ ಗಳಲ್ಲಿ ತಂಡವು 10 ವಿಕೆಟ್ ಗಳನ್ನು ಕಳೆದುಕೊಂಡಿತು.

ಭಾರತದ ಸ್ಪಿನ್ನರ್ ವೈಷ್ಣವಿ ಕೊನೆಯ ಓವರ್ ನಲ್ಲಿ  3 ವಿಕೆಟ್ ಗಳ ಹ್ಯಾಟ್ರಿಕ್ ಪಡೆದರು. ಒಟ್ಟು 5 ವಿಕೆಟ್ ಗಳ ಗೊಂಚಲನ್ನು ಪಡೆದರು. ಆಯುಷಿ 3 ವಿಕೆಟ್ ಪಡೆದರು. ಭಾರತವು 2.5 ಓವರ್ ಗಳಲ್ಲಿ ಪಂದ್ಯವನ್ನು ಮುಗಿಸಿದೆ. ಭಾರತದ  ಯಾವುದೇ ವಿಕೆಟ್ ಕಳೆದುಕೊಳ್ಳದೆ 10 ವಿಕೆಟ್ ಗಳ ಭರ್ಜರಿ ಜಯ ಗಳಿಸಿದೆ.


Share It

You cannot copy content of this page