ಬೆಂಗಳೂರು: ವಿಶ್ವದ ಅತ್ಯಂತ ಜನಪ್ರಿಯ ಪ್ರಾಂಚೈಸಿಗಳಲ್ಲಿ ಒಂದಾದ RCB ತನ್ನ ಮಾಲೀಕರ ಬದಲಾವಣೆಗೆ ಸಜ್ಜಾಗಿದ್ದು, ಮಾರ್ಚ್ 31 ರ ವೇಳೆ ಹೊಸ ಮಾಲೀಕರನ್ನು ಹೊಂದಲಿದೆ.
ಉದ್ಯಮಿ ವಿಜಯ್ ಮಲ್ಯ ಮಾಲೀಕತ್ವದಲ್ಲಿ2008 ರಲ್ಲಿ ಅಸ್ತಿತ್ವಕ್ಕೆ ಬಂದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ, ಮಲ್ಯ ಅವರ ಅನುಪಸ್ಥಿತಿಯಲ್ಲಿ ಪಾಲುದಾರರ ನೇತೃತ್ವದಲ್ಲಿ ಕಾರ್ಯಾಚರಣೆ ನಡೆಸುತ್ತಿತ್ತು.ಇದೀಗ ತಂಡವನ್ನು ಸಂಪೂರ್ಣವಾಗಿ ಮಾರಾಟ ಮಾಡಲು ತೀರ್ಮಾನಿಸಲಾಗಿದೆ.
2026 ರ IPL ಆವೃತ್ತಿ ಆರಂಭಕ್ಕೆ ಮೊದಲೇ ಮಾಲೀಕತ್ವ ಬದಲಾಗಲಿದ್ದು, ಹೊಸ ಮಾಲೀಕರು ತಂಡವನ್ನು ಮುನ್ನಡೆಸಲಿದ್ದಾರೆ. ಜೂನ್ ನಲ್ಲಿ IPL ಗೆದ್ದ ನಂತರ ಬೆಂಗಳೂರಿನಲ್ಲಿ ನಡೆದ ಕಾಲ್ತುಳಿತ ಪ್ರಕರಣದ ನಂತರ ತಂಡದ ಮಾಲೀಕತ್ವ ಬದಲಾವಣೆ ವಿಚಾರದಲ್ಲಿ ಚಿಂತನೆ ನಡೆದಿತ್ತು. ಇದೀಗ ಮಾಲೀಕತ್ವದ ಬದಲಾವಣೆಗೆ ತಂಡ ಸಜ್ಜಾಗಿದೆ.
ಮಹಿಳಾ ಮತ್ತು ಪುರುಷರ ಎರಡು ತಂಡಗಳು ಕೂಡ ಹೊಸ ಮಾಲೀಕರ ನೇತೃತ್ವದಲ್ಲಿ ಕಾರ್ಯಾಚರಣೆ ನಡೆಸಲಿವೆ. ಈಗ ಯುನೈಟೆಡ್ ಸ್ಪಿರಿಟ್ ಲಿಮಿಟೆಡ್ ಕಂಪನಿ ಮಾಲೀಕತ್ವದಲ್ಲಿ ತಂಡ ಮುನ್ನಡೆಯುತ್ತಿದ್ದು, ಅದೇ ಸಂಸ್ಥೆಯ ಅಂಗಸಂಸ್ಥೆಯ ಮೂಲಕ ಮುಂದಿನ ಆವೃತ್ತಿಗಳಲ್ಲಿ RCB ಕಾರ್ಯಾಚರಣೆ ನಡೆಸಲಿದೆ.